ଏକ୍ ଦେଶ ଏକ୍ ରାସନ କାର୍ଡ ଭଳି ଏବେ ଲାଗୁ ହେବ ୱାନ ନେସନ ୱାନ ହେଲଥ କାର୍ଡ । ଦେଶର ଯେଉଁଠି ଥିଲେ ବି ପ୍ରତିଟି ବ୍ୟକ୍ତିଙ୍କୁ ମିଳିବ ଚିକିତ୍ସା ସହାୟତା । ଆଧାର ଭଳି ସ୍ୱାସ୍ଥ୍ୟ କାର୍ଡ ହେବ ବାଧ୍ୟତାମୂଳକ
କନକ ବ୍ୟୁରୋ: ଦେଶବ୍ୟାପୀ ଲାଗୁ ହେବାକୁ ଯାଉଛି ୱାନ ନେସନ ୱାନ ହେଲ୍ଥ କାର୍ଡ ସିଷ୍ଟମ । ୱାନ ନେସନ ୱାନ ରାସନ କାର୍ଡ ଭଳି ଖୁବ୍ ଶୀଘ୍ର ମୋଦି ସରକାର ଲାଗୁ କରିବାକୁ ଯାଉଛନ୍ତି ୱାନ ନେସନ ୱାନ ହେଲ୍ଥ ଆଇଡି କାର୍ଡ । ଏନେଇ ଆସନ୍ତା ୧୫ ତାରିଖ ତଥା ଅଗଷ୍ଟ ୧୫ ସ୍ୱାଧିନତା ଦିବସ ଅବସରରେ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ନିକଟରେ ରାଷ୍ଟ୍ରୀୟ ଡିଜିଟାଲ ସ୍ୱାସ୍ଥ୍ୟ ମିଶନକୁ କେନ୍ଦ୍ର କ୍ୟାବିନେଟରୁ ମଂଜୁରୀ ମିଳିଛି । ତେବେ ଆଶା କରାଯାଉଛି କି ଚଳିତ ସପ୍ତାହ ଶେଷ ସୁଦ୍ଧା କେନ୍ଦ୍ର ସରକାରଙ୍କ ଏହି ମିଶନକୁ ଔପଚାରିକ ଅନୁମୋଦନ ମିଳିବା ସହ ଅଗଷ୍ଟ ୧୫ ତାରିଖ ସ୍ୱାଧିନତା ଦିବସ ଅବସରରେ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଗୁରୁତ୍ୱପୂର୍ଣ୍ଣ କଥା ହେଉଛି, କେନ୍ଦ୍ର ସରକାରଙ୍କ ୱାନ ନେସନ ୱାନ ହେଲ୍ଥ ଆଇଡି କାର୍ଡ ଯୋଜନାରେ ଦେଶର ପ୍ରତିଟି ନାଗରିକଙ୍କୁ ଗୋଟିଏ ହେଲଥ କାର୍ଡ ଉପଲବ୍ଧ କରାଯିବ । ଯେଉଁଥିରେ ରୋଗୀର ସମସ୍ତ ମେଡିକାଲ ରିପୋର୍ଟ ତଥା ମେଡିକାଲ ଡାଟା ସମେତ ଡାକ୍ତରମାନଙ୍କ ଡିଟେଲ୍ସ ମଧ୍ୟ ଗୋଟିଏ ପ୍ଲାର୍ଟଫର୍ମରେ ଡିଜିଟାଲି ସେଭ୍ ହୋଇ ରଖାଯିବ । ଅର୍ଥାତ୍ ଦେଶର କୌଣସି ବି ମେଡାକାଲ ତଥା ଡାକ୍ତରଙ୍କ ନିକଟକୁ ଗଲେ ଏବେ ଆପଣଙ୍କ ଆଉ କୌଣସି ଟେଷ୍ଟ ରିପୋର୍ଟ କିମ୍ବା ପେସକ୍ରିପସନ ସାଥିରେ ନେଇ ଯିବାକୁ ପଡିବ ନାହିଁ । ଦେଶର କୌଣସି ବି ହସ୍ପିଟାଲ କିମ୍ବା କ୍ଲିନିକରେ ବସି ବି ଡାକ୍ତର ଆପଣଙ୍କ ୟୁନିକ୍ ଆଇଡି ଜରିଆରେ ସବୁ ମେଡିକାଲ ରେକର୍ଡ ଦେଇଖପାରିବେ ।