ଶ୍ରୀଲଙ୍କାରେ ଚିନ୍ତା ବଢାଇଲା ଭାରତ ପ୍ରସ୍ତୁତ ଆଖି ଔଷଧ। ୩୦ରୁ ଅଧିକ ବ୍ୟକ୍ତିଙ୍କ ଆଖିରେ ସଂକ୍ରମଣ

କନକ ବ୍ୟୁରୋ: ଭାରତର ଆଉ ଏକ କମ୍ପାନୀ ଉପରେ ନିମ୍ନମାନର ଔଷଧ ପ୍ରସ୍ତୁତ କରୁଥିବାର ଅଭିଯୋଗ ଲାଗିଛି । ଗୁଜରାଟର କମ୍ପାନୀ ଉପରେ ଶ୍ରୀଲଙ୍କା ସରକାର ଏହି ଅଭିଯୋଗ ଲଗାଇଛନ୍ତି । ସେଠାକାର ସ୍ଥାନୀୟ ସରକାରଙ୍କ ଭାରତ ସରକାରଙ୍କ ପାଖରେ ଅଭିଯୋଗ କରିଛନ୍ତି ଯେ, ଇଣ୍ଡିଆନା ଅପଥୋମ୍ଲିକ୍ସ କମ୍ପାନୀ ପକ୍ଷରୁ ପଠାଯାଉଥିବା ଆଖି ଡ୍ରପ୍ କାରଣରୁ ୩୦ରୁ ଅଧିକ ଜଣଙ୍କ ଆଖିରେ ସଂକ୍ରମଣ ହୋଇଛି ।

ଇଣ୍ଡିଆନା ଅପଥୋମ୍ଲିକ୍ସ ଉପରେ ଅଭିଯୋଗ ଆସିବା ପରେ ଭାରତର ଶୀର୍ଷ ଫାର୍ମାସ୍ୟୁଟିକାଲ ଏକ୍ସପୋର୍ଟ କାଉନସିଲ କମ୍ପାନୀକୁ ନୋଟିସ ପଠାଇଛି । ଏଥିରେ କମ୍ପାନୀ ପାଖରୁ ୨ ଦିନ ଭିତରେ ଅନ୍ତରୀଣ ଯାଞ୍ଚ ପାଇଁ ସ୍ପଷ୍ଟୀକରଣ ମଗାଯାଇଛି ।