ସକାଳେ ଅନୁଗୁଳ, ସଞ୍ଜରେ ବୌଦ୍ଧକୁ ବ୍ୟାପିଲା କରୋନା । ପଜିଟିଭ୍ ତାଲିକାରେ ଯୋଡ଼ି ହେଲା ବୌଦ୍ଧ ଜିଲ୍ଲା, ରାଜ୍ୟରେ ମୋଟ୍ ୨୧ ଜିଲ୍ଲାରେ କରୋନା କେସ୍ ।
କନକ ବ୍ୟୁରୋ: ବୌଦ୍ଧକୁ ବ୍ୟାପିଲା କରୋନା । ପ୍ରଥମ ଥର ପାଇଁ ବୌଦ୍ଧରେ କରୋନା ଆକ୍ରାନ୍ତ ଚିହ୍ନଟ । ଆଜି ଏକାଥରେ ୩ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତ ତିନି ଜଣ ଯାକ ସୁରତ ଫେରନ୍ତା । ତେବେ ଆଜି ସକାଳେ ଅନୁଗୁଳକୁ ଡେଇଁଥିଲା କରୋନା । ପ୍ରଥମ ଥର ପାଇଁ ଅନୁଗୁଳ ଜିଲ୍ଲାରୁ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ତେବେ ଜିଲ୍ଲାରେ ଏକାଥରେ ୧୩ ପଜିଟିଭ ବାହାରିଥିଲେ । ଆଉ ଏବେ ପୁଣି ୨ ଜଣ ବାହାରିବା ପରେ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୫କୁ ବଢିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଜି ଗୋଟିଏ ଦିନରେ ୨ଟି ଜିଲ୍ଲାରୁ କରୋନା ଆକ୍ରାନ୍ତ ଚିହ୍ନଟ ହେବା ପରେ କରୋନା ତାଲିକାରେ ଯୋଡି ହୋଇଛି ୨୧ ଜିଲ୍ଲା । ରାଜ୍ୟରେ ଏବେ ମୋଟ ୨୧ ଜିଲ୍ଲାରେ କରୋନା ଆକ୍ରନ୍ତ ଚିହ୍ନଟ ହୋଇଛନ୍ତି ।
ତେବେ ରାଜ୍ୟରେ ଆଉ ୧୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବୌଦ୍ଧ- ୩, ଗଞ୍ଜାମ- ୭, ଯାଜପୁର-୧, ପୁରୀ-୨, ଅନୁଗୁଳ-୨ ଚିହ୍ନଟ ହେବା ପରେ ଆଜି ରାଜ୍ୟରେ ଏଯାଏଁ ୮୩ ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ନୂଆ ପଜିଟିଭ ବାହାରିବା ପରେ ଓଡିଶାର ମୋଟ ପଜିଟିଭ ସଂଖ୍ୟା ୩୭୭କୁ ବଢିଲା ।