କନକ ବ୍ୟୁରୋ: ଆଠଗଡରେ ଦୁର୍ଘଟଣା । ଚୌଦ୍ୱାର ଥାନା ଅଂଚଳ ୫୫ ନମ୍ବର ଜାତୀୟ ରାଜପଥରେ ପଖାଳ ଢାବା ନିକଟରେ ଟ୍ରକକୁ ଧକ୍କା ଦେଇଛି ଯାତ୍ରୀବାହୀ ବସ । ସୋନପୁରରୁ କଟକ ଯାଉଥିବା ଯାତ୍ରୀବାହୀ ବସ ଟ୍ରକକୁ ପଛରୁ ପିଟିଛି । ଦୁର୍ଘଟଣାରେ ହେଲପର ପ୍ରାଣ ହରାଇଥିବାବେଳ ୧୦ଜଣ ଆହତ ହୋଇଛନ୍ତି । ଆହତଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ବସଟି ଭୋର ଭୋରରୁ ଚୌଦ୍ୱାର ଥାନା ଅନ୍ତର୍ଗତ ଅଂଚଳ ୫୫ ନମ୍ବର ଜାତୀୟ ରାଜପଥରେ ପଖାଳ ଢାବା ନିକଟରେ ଏକ ଟ୍ରକକୁ ଓଭରଟେକ୍ କରୁଥିବା ବେଳେ ସାମାନ ପଟୁ ଆଉ ଏକ ଟ୍ରକ ଆସିଯାଇଥିଲା । ତେଣୁ ବସ ଡ୍ରାଇଭର ଗାଡ଼ିକୁ ନିୟନ୍ତ୍ରଣରେ ରଖି ନ ପାରି ଆଗରେ ଯାଉଥିବା ଟ୍ରକ୍ ପଛରେ ପିଟି ଦେଇଥିଲେ । ଫଳରେ ବସ ହେଲପରଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।ଦୁର୍ଘଟଣା ପରେ ବସର ଡ୍ରାଇଭର ଫେରାର ହୋଇଯାଇଥିବା ବେଳେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।