ଭୁବନେଶ୍ୱର ବିମାନବନ୍ଦରରୁ ଜବତ ହେଲା କେଜିଏ ସୁନା ପାଉଡର । କେରଳର ଯୁବକଙ୍କୁ ଅଟକ ରଖି ପଚରାଉଚରା କରୁଛି କଷ୍ଟମ ବିଭାଗ
କନକ ବ୍ୟୁରୋ: ଭୁବନେଶ୍ୱରର ବିଜୁ ପଟ୍ଟନାୟକ ବିମାନବନ୍ଦରରୁ ୧ କେଜି ସୁନା ଡଷ୍ଟ ଜବତ କରିଛି କଷ୍ଟମ ବିଭାଗ । ଆଉ ଜବତ ହୋଇଥିବା ସୁନା ପାଉଡରର ମୂଲ୍ୟ ପ୍ରାୟ ୫୦ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଏହି ଘଟଣାରେ ଜଣଙ୍କୁ ଅଟକ ରଖି ପଚରାଉଚରା କରୁଛି କଷ୍ଟମ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, କ୍ୱାଲାଲମପୁରରୁ ଭୁବନେଶ୍ୱରକୁ ଆସୁଥିବା ବିମାନରେ ଏହି ସୁନା ପାଉଡର ଚାଲାଣ ହେଉଥିବା ବେଳେ ଧରିଥିଲା କଷ୍ଟମ ବିଭାଗ । ସୁନା ଖଣ୍ଡକୁ ପାଉଡର କରି ବ୍ୟାଗରେ ଧରି ଆସୁଥିବା ବେଳେ କଷ୍ଟମ ବିଭାଗ ହାତରେ ଧରାପଡିଥିଲେ କେରଳ କୁଜିକୋଡ ଅଞ୍ଚଳର ଯୁବକ । ଲଗାତାର ଭାବରେ ଭୁବନେଶ୍ୱର ବିମାନବନ୍ଦରରୁ ସୁନା ଓ ସୁନା ପାଉଡର ଜବତ ହେଉଥିବାରୁ ଏହା ପଛରେ ଏକ ବଡ ରାକେଟ କାମ କରୁଥିବା ସନ୍ଦେହ କରାଯାଉଛି ।