ଗୋଟିଏ ଦିନରେ ସଂକ୍ରମଣ ମାମଲାରେ ଗଂଜାମକୁ ଟପିଗଲା ଖୋର୍ଦ୍ଧା : ଆଜି ଖୋର୍ଦ୍ଧାରେ ୨୯୮ ପଜିଟିଭ ଚିହ୍ନଟ, ଗଂଜାମରେ ୨୭୯ ନୂଆ ଆକ୍ରାନ୍ତ; ସେପଟେ ଚିନ୍ତା ବଢାଇଲା ସୁନ୍ଦରଗଡ, ରାୟଗଡାର ସ୍ଥିତି 

264

କନକ ବ୍ୟୁରୋ : ଗଞ୍ଜାମ ପରେ ଚିନ୍ତା ବଢାଇଛି  ଖୋର୍ଦ୍ଧା ।  ଗଞ୍ଜାମରେ ୨୭୯ ଜଣ  ଓ ଖୋର୍ଧାରେ ୨୯୮ ଜଣ ଚିହ୍ନଟ ହୋଇଛନ୍ତି । ଗଞ୍ଜାମ କମୁଥିବାବେଳେ ବେଳେ ବଢୁଛି ଖୋର୍ଦ୍ଧା ।  ଚଳିତ ସପ୍ତାହରେ  ଗଞ୍ଜାମରେ ଲଗାତାର ସଂକ୍ରମିତଙ୍କ ସଂଖ୍ୟା କମୁଛି ।  ଗଞ୍ଜାମରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୨ ହଜାର ୩ ଶହ୫୯ ରହିଛନ୍ତି । ସୁସ୍ଥ ହୋଇଛନ୍ତି ୮ ହଜାର ୯୧୧ । ଜିଲ୍ଲାରେ ବର୍ତମାନ ସୁଦ୍ଧା ୧୨୩ ଜଣ ପ୍ରାଣ ହରାଇଲେଣି । ଖୋର୍ଦ୍ଧାରେ ୫ ହଜାର ୮୨୯ ଆକ୍ରାନ୍ତ ହୋଇଥିବାବେଳେ ମୋଟ ୩୧ ଜଣ ପ୍ରାଣ ହରାଇଛନ୍ତି ।

ସେପଟେ ଆଜି ରାଜ୍ୟରେ ଗତ ୨୪  ୨୪ ଘଂଟା ମଧ୍ୟରେ ରେକର୍ଡ ୧୮ ଶହ ୩୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।  ଏମାନଙ୍କ ମଧ୍ୟରୁ ସଙ୍ଗରୋଧ କେନ୍ଦ୍ରରୁ  ୧୧ ଶହ  ୧୮ ଥିବାବେଳେ ସ୍ଥାନୀୟ ସଂକ୍ରମିତ  ୭ ଶହ ୧୫ ଜଣ ଅଛନ୍ତି ।  ସବୁଠାରୁ ବଡ କଥା ହେଲେ ଗଞ୍ଜାମକୁ ଟପିଛି ଖୋର୍ଧା । ଗଞ୍ଜାମରେ ଆଜି  ୨ ଶହ ୭୯ ଆକ୍ରାନ୍ତ ଚିହ୍ନଟ ହୋଇଥିବାବେଳେ  ଖୋର୍ଦ୍ଧାରେ  ୨ଶହ ୯୮ ଆକ୍ରାନ୍ତ ଚିହ୍ନଟ ହୋଇଛନ୍ତି ।  ସେହିଭଳି କଟକରୁ ୧୨୪ ଓ ରାୟଗଡାରୁ ୧୫୨ ଆକ୍ରାନ୍ତ ଥିବା ଜଣାପଡିଛି ।  ସୁନ୍ଦରଗଡରୁ ୧୧୦,  ବାଲେଶ୍ୱରରୁ ୬୯ ଜଣ ଚିହ୍ନଟ ହୋଇଛନ୍ତି ।  ଗଞ୍ଜାମ ଓ ଖୋର୍ଦ୍ଧା ପରେ ସୁନ୍ଦରଗଡ ଓ ରାୟଗଡା ଚିନ୍ତା ବଢାଇଛନ୍ତି ।  ରାଜ୍ୟରେ ୨୪ ଘଂଟା ମଧ୍ୟରେ ୧୬ ହଜାର ୫୫  ନମୁନା ପରୀକ୍ଷା କରାଯାଇଛି । ଏହା ସହ ବର୍ତମାନ ସୁଦ୍ଧା  କରୋନାରେ ୪୨ ହଜାର  ୫ ଶହ ୫୦ ସଂକ୍ରମିତ ହୋଇଥିବାବେଳେ  ସୁସ୍ଥ ହୋଇଛନ୍ତି  ୨୬ ହଜାର ୮ ଶହ ୮୮ ଜଣ ।  ଆକ୍ଟିଭ ମାମଲା ରହିଛି ୧୫ ହଜାର ୩୭୦ । କେବଳ ୭ ଦିନରେ ୧୦ ହଜାର  ୭୨୩ ଜଣ କରୋନାରେ ଆକ୍ରାନ୍ତ ହୋଇଛନ୍ତି ।

Comments are closed.