ଭାରତୀୟ ସେନା ପାଇଁ ଏକ ଦୁଃଖଦ ଖବର । ହିମାଚଳ ପ୍ରଦେଶରେ ଚୀନ ସୀମାକୁ ଲାଗିଥିବା କନ୍ନୁର ଜିଲ୍ଲାରେ ଆଜି ଏକ ଭୟଙ୍କର ବରଫ ଝଡ଼ରେ ପ୍ରାୟ ୬ ଜଣ ସେନା ଯବାନ ନିଖୋଜ ହୋଇଯାଇଛନ୍ତି । ନିଖୋଜ ୬ ଯବାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ୫ ଜଣ ବରଫ ତଳେ ଫଶି ରହିଥିବା ଆଶଙ୍କା କରାଯାଉଛି । ଆଜି ଦିନ ୧୧ଟା ୩୦ରେ ସେନା ଅନ୍ତର୍ଗତ ଜେକେ ରାଇଫଲର ଏହି ଯବାନମାନେ ପାଟ୍ରୋଲିଂ କରୁଥିବାବେଳେ ଏହି ବରଫ ଝଡ଼ ଆସିଥିଲା । ବରଫ ଝଡ଼ରେ ସେମାନେ ଫସିଯାଇଥିଲେ । ଏପର୍ଯ୍ୟନ୍ତ ଜଣେ ଯବାନଙ୍କ ମୃତଦେହ ମିଳିଥିବାବେଳେ ଆଉ ୫ ଜଣ ଯବାନ ନିଖୋଜ ଅଛନ୍ତି । ସେମାନଙ୍କୁ ଖୋଜିବାକୁ ସେନା ପକ୍ଷରୁ ଏକ ବଡ଼ଧରଣର ତଲାସୀ ଅଭିଯାନ ଆରମ୍ଭ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଇଣ୍ଡୋ ତିବତୀୟ ସୀମା ପୁଲିସର କେତେକ ଯବାନ ମଧ୍ୟ ଏହି ବରଫ ଝଡ଼ରେ ଫସିଯାଇଥିଲେ, କିନ୍ତୁ ସେମାନଙ୍କୁ ଉଦ୍ଧାର କରାଯାଇଛି । ଏହି ଯବାନମାନେ ପ୍ରାରମ୍ଭିକ ଚିକିତ୍ସା ପରେ ସୁସ୍ଥ ଥିବା ଜଣାଯାଇଛି । ଭାରତ-ଚୀନ ସୀମା ନିକଟବର୍ତ୍ତି ସିପକାଲାଠାରେ ଦିନ ୧୧ଟାରେ ଏହି ବରଫଝଡ଼ ଆରମ୍ଭ ହୋଇଥିଲା ।