କରୋନା ବିରୋଧୀ ଆଉ ଏକ ଗୁରୁତ୍ୱପୂର୍ଣ୍ଣ ଔଷଧକୁ ଅନୁମତି ଦେଇଛନ୍ତି ଭାରତ ସରକାର । ଜରୁରିକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି ଡ୍ରଗ୍ସ କଂଟ୍ରୋଲର ଜେନେରାଲ ଅଫ ଇଣ୍ଡିଆ-ଡିସିଜିଆଇ
କନକ ବ୍ୟୁରୋ : କରୋନା ବିରୋଧୀ ଆଉଏକ ଗୁରୁତ୍ୱପୂର୍ଣ୍ଣ ଔଷଧକୁ ଅନୁମତି ଦେଇଛନ୍ତି ଭାରତ ସରକାର । ଗତ ଗୁରୁବାର ଏହି ଔଷଧର ଜରୁରିକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି ଡ୍ରଗ୍ସ କଂଟ୍ରୋଲର ଜେନେରାଲ ଅଫ ଇଣ୍ଡିଆ- ଡିସିଜିଆଇ । ରୁକି ଓ ରିଜେନେରନ ଦ୍ୱାରା ପ୍ରସ୍ତୁତ ହୋଇଛି ଏହି କୋଭିଡ୍ ବିରୋଧୀ କକଟେଲ । ଏଥିରେ ଦୁଇଟି ଆଂଟିବଡି ଔଷଧ କାସିରିଭିମାଭ ଓ ଇମଡେଭିମାଭ ରହିଛି । କୃତ୍ରିମ ଉପାୟରେ ଏହି ଆଂଟିବଡିକୁ ପ୍ରସ୍ତୁତ କରାଯାଇଛି । ଯାହା କରୋନା ଭୂତାଣୁ ଦ୍ୱାରା ସଂକ୍ରମିତ ହେବାପରେ ଆକ୍ରାନ୍ତଙ୍କ ଶରୀରରେ ସୃଷ୍ଟି ହୁଏ ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ଆକ୍ରାନ୍ତ ହେବା ପରେ ତାଙ୍କୁ ଏହି ଔଷଧ ଦିଆଯାଇଥିଲା । ଏବଂ ସେ କରୋନାରୁ ସଂପୂର୍ଣ୍ଣ ସୁସ୍ଥ ହୋଇପାରିଥିଲେ । କୁହାଯାଉଛି ସାମାନ୍ୟରୁ ମଧ୍ୟମ ଧରଣର ଲକ୍ଷଣ ଦେଖା ଯାଉଥିବା କରୋନା ଆକ୍ରାନ୍ତଙ୍କୁ ଏହି ଔଷଧର ପ୍ରୟୋଗ କରି ଗୁରୁତର ହେବାରୁ ରକ୍ଷା କରାଯାଇପାରେ । ବିଶେଷଜ୍ଞଙ୍କ ମତରେ ୧୨ ବର୍ଷରୁ ଅଧିକ ଏବଂ ୪୦ କିଲୋରୁ ଅଧିକ ଓଜନର ବ୍ୟକ୍ତିଙ୍କଠାରେ କରୋନାର ସାମାନ୍ୟ ଓ ମଧ୍ୟମ ଧରଣର ଲକ୍ଷଣ ଥିଲେ ଏହି ଦୁଇଟି ଔଷଧରେ ଚିକିତ୍ସା କରାଯାଇ ପାରିବ । ପ୍ରତ୍ୟେକ ଔଷଧର ୬ଶହ ମିଲିଗ୍ରାମ ଲେଖାଏଁ ଇଂଜେକ୍ସନ ଜରିଆରେ ଦିଆଯିବ । ତେବେ ଚିକିତ୍ସା କରୁଥିବା ଡାକ୍ତର ହିଁ ଏହାର ପ୍ରୟୋଗ ଓ ମାତ୍ରା ସ୍ଥିର କରିବେ ।