ଚୀନରେ ବଢୁଛି ଓମିକ୍ରନ ସଂକ୍ରମଣ: ଘରେ ରହିବାକୁ ବାଧ୍ୟ କରୁଛି ପ୍ରଶାସନ, ଲୋକଙ୍କୁ ମିଳୁନି ଖାଦ୍ୟ
କନକ ବ୍ୟୁରୋ: ଚୀନର କୋଭିଡ ସ୍ଥିତି ସାଂଘାତିକ ହେବାରେ ଲାଗିଛି । କୋଭିଡ ସଂକ୍ରମଣକୁ ବଳି ଯାଇଛି କୋଭିଡ କଟକଣା । ଲୋକଙ୍କୁ ଖାଦ୍ୟ ମିଳୁନଥିବା ବେଳେ, ଔଷଧ ସରିଯିବାକୁ ବସିଛି । ଚୀନ୍ର ଅର୍ଥନୈତିକ ରାଜଧାନୀ ସାଂଘାଇ ସହରରେ ବଢୁଥିବା ସଂକ୍ରମଣ ଯୋଗୁଁ କଟକଣାକୁ କଡାକଡି କରି ଲକଡାଉନ ଲଗାଇଛନ୍ତି ବେଜିଂ ସରକାର । ଫଳରେ ପ୍ରାୟ ୨କୋଟି ୬୦ଲକ୍ଷ ଘରେ ବନ୍ଦୀ ହୋଇଛନ୍ତି । ଲକ୍ଷଣ ଥିବା ରୋଗୀଙ୍କ ସଂଖ୍ୟା ପ୍ରତିଶତ ବୃଦ୍ଧି ପାଇଛି । ଗୁରୁବାର ଦିନ ସାଂଘାଇରେ ୨୭ହଜାର କୋଭିଡ ସଂକ୍ରମିତ ଚିହ୍ନଟ ହୋଇଛନ୍ତି । ମାର୍ଚ୍ଚ ୧ପରଠାରୁ ଏପର୍ଯ୍ୟନ୍ତ ୩ଲକ୍ଷ ୩ହଜାର କୋଭିଡ ସଂକ୍ରମିତଙ୍କୁ ଚିହ୍ନଟ କରାଯାଇଛି । ଫଳରେ ସାଂଘାଇରେ କଡା କଟକଣା ବଳବତର ରହିବ ବୋଲି ରାଷ୍ଟ୍ରପତି ସି ଜିନପିଙ୍ଗ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଡାକଡି କଟକଣା ଲୋକଙ୍କୁ ବାଧ୍ୟ କରିଛି ଘରେ ବନ୍ଦୀ ହେବା ପାଇଁ ଏବଂ ଦୈନନ୍ଦିନ ସାମଗ୍ରୀ ପାଇଁ ତାଙ୍କୁ ହଇରାଣ ହରକତ ହେବାକୁ ପଡୁଛି । ଜଣେ ବ୍ୟକ୍ତି କିପରି ପ୍ରତିବାଦ କରୁଛନ୍ତି । ଆଉ କହୁଛନ୍ତି ତୁମ ଦ୍ୱାରା ମୋର ମୃତ୍ୟୁ ହୋଇଯିବ, ସବୁ ସୁପରମାର୍କେଟ ବନ୍ଦ ଅଛି, ମୁଁ କେଉଁଠୁ ଜିନିଷ କିଣିବି?ମୁଁ ଖାଇବି କ’ଣ, ପିଇବି କ’ଣ?ତୁମେ ଲୋକମାନଙ୍କୁ ମାରିଦେଉଛ । ଲୋକଙ୍କୁ ଘରେ ବନ୍ଦୀ କରାଯାଇଥିବା ଯୋଗୁଁ ନିଜ ନିଜ ବାଲକୋନିରୁ ବାହାରକୁ ଆସି ଜୋରରେ ପାଟିକରି ପ୍ରତିବାଦ କରୁଛନ୍ତି । ସମସ୍ତଙ୍କ କହିବା କଥା ସେହ ଗୋଟିଏ ଖାଇବାକୁ ଘରେ କିଛି ସାମଗ୍ରୀ ନାହିଁ, ଖାଇବେ କଣ ।
ସାଂଘାଇରେ ଖାଦ୍ୟାଭାବ ଦେଖାଦେଇଥିବା ବେଳେ ଔଷଧ ପରି ଜରୁରି ସାମଗ୍ରୀ ମଧ୍ୟ ସରିବା ଉପରେ । ଯାହାକୁ ନେଇ ଡାକ୍ତରଖାନାରେ ପହଂଚିଲୋକେ ପ୍ରତିବାଦ କରୁଛନ୍ତି । (୫) କେତେକ ସ୍ଥାନରେ ଲୋକେ ପ୍ରତିବାଦ କରିବା ସହ ବ୍ୟାରିକେଡ ଭାଙ୍ଗି ସରକାରୀ କାର୍ଯ୍ୟାଳୟରେ ପହଂଚି ବିକ୍ଷୋଭ କରୁଛନ୍ତି । (୬/୭/୮) ଏହି ଦୃଶ୍ୟ ଉପରେ ନଜର ପକାନ୍ତୁ, କଡାକଡି ଲକଡାଉନ କଟକଣା ଭିତରେ ଥିବା ଲୋକେ ରାସ୍ତାକୁ ବାହାରି ପ୍ରତିବାଦ ଜଣାଉଛନ୍ତି । ଶତାଧିକ ଲୋକ ଏକାଠି ହୋଇ ତାଙ୍କ ପାଖରେ ଖାଇବା ପାଇଁ ମଧ୍ୟ କିଛି ଖାଦ୍ୟସାମଗ୍ରୀ ନଥିବା ଅଭିଯୋଗ କରିଛନ୍ତି । ତେବେ ଗତ ଦୁଇ ସପ୍ତାହ ଧରି ଯେଉଁ ସ୍ଥାନ ଗୁଡିକରେ ସଂକ୍ରମିତ ନାହାନ୍ତି, ସେହି ସ୍ଥାନ ଗୁଡିକରେ କୋଭିଡ କଟକଣାକୁ କୋହଳ କରାଯାଉଛି ।