କନକ ବ୍ୟୁରୋ: ନ୍ୟାସନାଲ କନଫରେନ୍ସ ନେତା ତଥା ଜମ୍ମୁକାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ବଡ ବୟାନ । ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ନେଇ ସେ ଏହି ବୟାନ ଦେଇଛନ୍ତି । ସେ ପ୍ରଶ୍ନ କରିଛନ୍ତି, ଯେତେବେଳେ ଘାଟିରୁ ଧାରା ୩୭୦ ଉଚ୍ଛେଦ କରାଯାଇଥିଲା ସେତେବେଳେ କେଜ୍ରିୱାଲ କେଉଁଠି ଥିଲେ? ସେତେବେଳେ ସେ ସରକାରଙ୍କ ସହ ସ୍ୱର ମିଶାଇଥିଲେ । ଆଜି କାହିଁକି ଅଧ୍ୟାଦେଶ ଉପରେ ଅନ୍ୟ ବିରୋଧୀ ଦଳଙ୍କର ସମର୍ଥନ ମାଗୁଛନ୍ତି । ଅରବିନ୍ଦ କେଜ୍ରିୱାଲ ଦିଲ୍ଲୀରେ କେନ୍ଦ୍ର ସରକାରଙ୍କ ଦ୍ୱାରା ଲାଗୁ ହୋଇଥିବା ଅଧ୍ୟାଦେଶ ବିରୋଧରେ ସମର୍ଥନ ଜୁଟାଇବା ପାଇଁ ବିଭିନ୍ନ ଦଳଙ୍କ ସମର୍ଥନ ଲୋଡୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରଜୌରୀରେ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା ବେଳେ ଅବଦୁଲ୍ଲା ପ୍ରଶ୍ନ କରିଛନ୍ତି, ଅରବିନ୍ଦ କେଜ୍ରିୱାଲ କେଉଁଠି ଥିଲେ ଯେତେବେଳେ ଧାରା ୩୭୦ ଉଚ୍ଛେଦ କରାଯାଇଥିଲା ? ସେତେବେଳେ ସେ ସରକାରଙ୍କ ସମର୍ଥନ କରିଥିଲେ । ଆଜି ସେ ଅନ୍ୟ ଦଳର ସମର୍ଥନ ମାଗୁଛନ୍ତି । ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କେନ୍ଦ୍ର ସରକାରଙ୍କ ଦ୍ୱାରା ଅଣାଯାଇଥିବା ଅଧ୍ୟାଦେଶକୁ ରଦ୍ଦ କରିବାକୁ ଚାହୁଁଛନ୍ତି । ଏଥିପାଇଁ ରାଜ୍ୟସଭାରେ ବହୁମତର ଆବଶ୍ୟକତା ରହିଛି । ଅରବିନ୍ଦ ସମର୍ଥନ ହାସଲ ପାଇଁ ବିଭିନ୍ନ ବିରୋଧୀ ଦଳର ନେତାଙ୍କ ସହ ସାକ୍ଷାତ କରୁଛନ୍ତି ।