କଳାକାରଙ୍କ କଳିକୁ ନେଇ ତେଜୁଛି ବିବାଦ । ବଲାଙ୍ଗୀର ଯାତ୍ରା ମଞ୍ଚରେ କଳାକାରଙ୍କୁ ଜୟ କୋଶଳ କହିବାକୁ ବାଧ୍ୟ କଲେ ସ୍ଥାନୀୟ ଲୋକ

କନକ ବ୍ୟୁରୋ : କଳାକାରଙ୍କ କଳିକୁ ନେଇ ତେଜୁଛି ବିବାଦ । ପାଟଣାଗଡ଼ ଯାତ୍ରା ମଞ୍ଚରେ ଆଙ୍କରଙ୍କୁ ଜୟ କୋଶଳ କହିବାକୁ ବାଧ୍ୟ କଲେ ସ୍ଥାନୀୟ ଲୋକ । ମଙ୍ଗଳବାର ସ୍ୱାଭାବିକ୍ ଭାବରେ ଯାତ୍ରା ଆରମ୍ଭ ହେବାକୁ ଯାଉଥିଲା । ମଞ୍ଚ ପରିଚାଳକ, ଜୟ ଜଗନ୍ନାଥ କହିବା ବେଳକୁ ଜୟ କୋଶଳ କହିବା ପାଇଁ ଦାବି ଉଠିଲା । ଏ ନେଇ ଦର୍ଶକ ଅଡି ବସିଥିବା ବେଳେ ଆଙ୍କର ଜଣଙ୍କ କହିଥିଲେ ସେ କୋଶଳ କଣ ଜାଣନିନାହାନ୍ତି । ସେ କୋଶଳ ବୋଲି କହିବେ ନାହିଁ । ତା ବଦଳରେ ଜୟ ଜଗନ୍ନାଥ କହିବେ ବୋଲି କହିଥିଲେ ।

ଏହାକୁ ନେଇ କୋଶଳ ସେନା ପକ୍ଷରୁ ଯାତ୍ରା ପାର୍ଟିରେ ତୀବ୍ର ବିରୋଧ କରାଯିବା ସହିତ ରାଜଧାନୀ ଅପେରାରୁ ବନ୍ଦ କରାଯିବ ବୋଲି ସମସ୍ତ କୋଶଳ ସେନା ଏକଜୁଟ ହୋଇଥିଲେ । ଓଡିଶା ଗୋବ୍ୟାକର ନାରା ଦେଇ ପୋଷ୍ଟର ପୋଡିଥିଲେ । ଏହା ପରେ ଗତକାଲି ହୋଇଥିବା ଯାତ୍ରାରେ ଆଙ୍କର ଷ୍ଟେଜ୍କୁ ଆସିବା ପରେ ଜୟ କୋଶଳ ବୋଲି କହିଥିଲେ । ଏହା ପରେ ଅପେରା ଦେଖୁଥିବା ଲୋକେ ମଧ୍ୟ ତାଙ୍କ ସ୍ୱରରେ ସ୍ୱର ମିଳାଇଥିଲେ ।