ପ୍ରତିରକ୍ଷା ମନ୍ତ୍ରୀଙ୍କୁ ଭେଟିଲେ ଓଲିଉଡ ସୁପରଷ୍ଟାର ! ଇନଷ୍ଟାଗ୍ରାମରେ ଫଟୋ ସେୟାର କଲେ ଅନୁଭବ ମହାନ୍ତି , ‘ପ୍ରେମ କୁମାର’ର ସୁଟିଂ ବେଳେ ଆତଙ୍କୀ ହମଲାର ଶିକାର ହୋଇଥିଲେ ଅନୁଭବ
କନକ ବ୍ୟୁରୋ: ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣଙ୍କୁ ଭେଟିଛନ୍ତି ଓଲିଉଡ୍ ଅଭିନେତା ତଥା ସାଂସଦ ଅନୁଭବ ମହାନ୍ତି । ଇଂଷ୍ଟାଗ୍ରାମରେ ଏ ନେଇ ଏକ ଫଟୋ ପୋଷ୍ଟ କରିଛନ୍ତି ଅନୁଭବ । ଏହି ଫଟୋରେ ଫିଲ୍ମ ନିର୍ଦ୍ଦେଶକ ତାପସ ସରଘରିଆ ଓ ଅନୁଭବଙ୍କ ସହ ଅଛନ୍ତି ପ୍ରତିରକ୍ଷା ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଲେଖାଯାଇଛି, ସୁଟିଂ ଚାଲିଥିବା ତାଙ୍କର ଅପକମିଂ ଫିଲ୍ମ ‘ପ୍ରେମ କୁମାର’ ସଂପର୍କରେ ସେ ପ୍ରତିରକ୍ଷା ମନ୍ତ୍ରୀଙ୍କ ସହ ଆଲୋଚନା କରିଛନ୍ତି । ହେଲେ କ’ଣ ଆଲୋଚନା ହୋଇଛି, ସେ ସଂପର୍କରେ କିଛି ଜଣା ପଡିନାହିଁ ।
ତେବେ ନିକଟରେ କାଶ୍ମୀର ଘାଟିରେ ‘ପ୍ରେମ କୁମାର’ର ସୁଟିଂ ସାରି ଫେରୁଥିବା ବେଳେ ଆତଙ୍କବାଦୀ ହମଲା ହୋଇଥିଲା । ଘାଟିରେ ସୁଟିଂ କରିବା ପ୍ରସଙ୍ଗରେ ପ୍ରତିରକ୍ଷା ମନ୍ତ୍ରୀଙ୍କ ସହ ଅନୁଭବ ଆଲୋଚନା କରିଥାଇପାରନ୍ତି ବୋଲି ଅନୁମାନ କରାଯାଉଛି ।