ପେଟ ପୁରିଗଲେ କିଏ ଫୋପାଡିଦିଏ … ପେଟ ଜଳିଲେ କିଏ ଗୋଟାଇ ଖାଇଦିଏ ! ସୋସିଆଲ୍ ମିଡିଆରେ ଭାଇରାଲ୍ ହେଲା ଭୋକର ବିକଳ ଚିତ୍ର ।
ପେଟର ଭୋକ ମଣିଷ ଦ୍ୱାରା କ’ଣ ନ କରାଏ ! ବାଟରେ-ଘାଟରେ, ଗାଁଗହଳିରେ ବୁଢା ଲୋକଙ୍କ ଠାରୁ କେବେ ତ ଏହି ଲୋକବାଣୀଟି ଶୁଣିଥିବେ ଯେ “ପେଟ ପାଇଁ ତ ସବୁ ନାଟ” , ସମାଜର କଟୁସତ୍ୟ ହେଲେ ବି ଏହି ପେଟଚାଖଣ୍ଡକ ପାଇଁ ସବୁ ଚାଲିଛି । ଘରର ଭେଣ୍ଡିଆ ପୁଅ ପରିବାରର ପେଟ ପାଳିବା ପାଇଁ ଘରଠୁ କୋଷ କୋଷ ଦୂରରେ ରହି କାମ କରୁଛି । ଦିନରାତି ଝାଳବୁହା ପରିଶ୍ରମର ଏହି ଗୋଟିଏ ହିଁ ତ କାରଣ । କିନ୍ତୁ ଏହାକୁ ଯେ ବୁଝିଛି ସେ ସଂଘର୍ଷକୁ ପାଖରୁ ଦେଖିଛି ଆଉ ଯିଏ ଅଜଣା ସେ ସଂଘର୍ଷର “ସ” ଅର୍ଥ ମଧ୍ୟ ଜାଣିନି । ଏହି ସମାଜରେ ହିଁ ଯାହାର ପେଟ ପୁରିଗଲା ସେ ବଳକିଥିବା ଖଣ୍ଡିଏ ରୁଟିକୁ ବ୍ୟର୍ଥ ଭାବି ଫୋପାଡୁଛି ଆଉ ଭୋକରେ ଆଉଟୁପାଉଟୁ ହେଉଥିବା ଲୋକଟି ଫୋପାଡିଥିବା ରୁଟିଟିକୁ ଭଗବାନଙ୍କ ଆଶିର୍ବାଦ ଭାବି ଭକ୍ଷଣ କରୁଛି । ଏମିତି ହିଁ ଗୋଟିଏ ହୃଦୟବିଦାରକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ये भूख ही तो है,
जो किसी से पेट भरने पर रोटी फ़िकवा देती है और किसी से उसी रोटी को दुबारा उठवा के धुलवा लेती है।हृदय विदारक विड़िओ… pic.twitter.com/joG423khdE
— SACHIN KAUSHIK (@upcopsachin) February 20, 2020
ଟ୍ୱିଟରରେ ଫେବୃୟାରୀ ୨୦ ତାରିଖରେ ସଚ୍ଚିନ କୌସିକ୍ ନାମକ ଆକାଉଣ୍ଟରୁ ସେୟାର୍ ହୋଇଥିବା ଭିଡିଓଟି କେଉଁ ସ୍ଥାନର ଜଣାପଡିନାହିଁ । ଭିଡିଓଟି କେଉଁ ରେଲୱେ ଷ୍ଟେସନର ଭଳି ଜଣାପଡୁଥିବା ବେଳେ ଜଣେ ବୃଦ୍ଧ ବ୍ୟକ୍ତି ତଳେ ପଡିଥିବା ଗୋଟିଏ ରୁଟିକୁ ଧୋଇ ଖାଉଥିବାର ଦେଖାଯାଉଛି । ନିଃଶବ୍ଦ କରୁଥିବା ଏହି ଭିଡିଓଟିକୁ ଦେଖି ଲୋକମାନେ ଖାଦ୍ୟ ଅପଚୟ ନ କରିବାକୁ ନେହୁରା ହେଉଛନ୍ତି ।