ଘରୋଇ ଗାଡିକୁ ବ୍ୟବସାୟରେ ଲଗାଉଛନ୍ତି ଓଲା, ଉବେର ଓ ରାପିଡୋ : ଥାନାରେ ଏତଲା ଦେଲା ଆରଟିଓ-୧
କନକ ବ୍ୟୁରୋ : ଘରୋଇ ଗାଡ଼ିକୁ ବ୍ୟବସାୟିକ ଉଦ୍ଦେଶ୍ୟରେ ଓଲା, ଉବର ଏବଂ ରାପିଡୋରେ ବ୍ୟବହାର କରୁଥିବା ଗାଡ଼ି ମାଲିକଙ୍କ ପାଇଁ ବଢ଼ିଲା ସଙ୍କଟ । ଓଲା, ଉବର ଏବଂ ରାପିଡୋ ନାଁରେ ଥାନାରେ ଏତଲା ଦେଇଛି ଭୁବନେଶ୍ୱର ଆର୍ଟିଓ-୧ । ଘରୋଇ ଗାଡ଼ି ଏବଂ ବାଇକକୁ କିଛି ବ୍ୟକ୍ତି ଓଲା, ଉବର ଏବଂ ରାପିଡୋରେ ଲଗାଉଛନ୍ତି । କିନ୍ତୁ ଏଥିପାଇଁ ତାଙ୍କ ପାଖରେ ବିଧିବଦ୍ଧ ଲାଇସେନ୍ସ ରହୁନି ।
Kanak News is now on WhatsApp
Join and get latest news updates delivered to you via WhatsApp
ବ୍ୟକ୍ତିଗତ ଗାଡ଼ିକୁ ସାମୁହିକ ପରିବହନ ଉଦ୍ଦେଶ୍ୟରେ ଲଗାଇବା ପାଇଁ ହେଲେ ଏଥିପାଇଁ ସ୍ୱତନ୍ତ୍ର ଲାଇସେନ୍ସ ଆବଶ୍ୟକ ପଡ଼େ । ନିର୍ଦ୍ଦିଷ୍ଟ ଲାଇସେନ୍ସ କରି ଜଣେ ନିଜ ଗାଡ଼ିକୁ ଓଲା, ଉବର ଏବଂ ରାପିଡୋରେ ବ୍ୟବହାର କରିପାରିବେ । କିନ୍ତୁ ତାହା ନକରି ବ୍ୟକ୍ତିଗତ ବାଇକ୍ କିମ୍ବା ଗାଡ଼ିକୁ ଟ୍ରାନ୍ସପୋର୍ଟ ଭେଇକିଲ୍ ଭାବେ ବ୍ୟବହାର କରୁଛନ୍ତି । ପୂର୍ବରୁ ଏନେଇ ନୋଟିସ୍ କରାଯାଉଥିଲେ ମଧ୍ୟ ନିୟମର ଉଲ୍ଲଙ୍ଘନ କରୁଥିବା ଆରଟିଓ ପକ୍ଷରୁ ସୂଚନା ଦିଆଯାଉଛି ।