ରାଜ୍ୟରେ ବଢିପାରେ ବିଜୁଳି ଦର ! ୭ ପଇସା ବଢ଼ାଇବା ପାଇଁ ପ୍ରସ୍ତାବ ଦେଲା ଓଏଚପିସି । ଦର ବଢାଇବାକୁ ଦାବି କରିଛନ୍ତି ବିଭିନ୍ନ ବିତରଣ କମ୍ପାନି
ପ୍ରସ୍ତାବକୁ ଓଇଆରସି ଗ୍ରହଣ କଲେ ଆସନ୍ତା ଆର୍ଥିକବର୍ଷରୁ ବଢିବ ବିଜୁଳି ଦର
କନକ ବ୍ୟୁରୋ: ରାଜ୍ୟରେ ବଢିପାରେ ବିଜୁଳି ଦର । ବିଜୁଳି ଦର ୮୮ ପଇସାରୁ ୯୫ ପଇସା କରିବା ପାଇଁ ଆଜି ପ୍ରସ୍ତାବ ଦେଇଛି ଓଏଚପିସି । ଅର୍ଥାତ ୭ ପଇସା ବୃଦ୍ଧି କରିବା ପାଇଁ ପ୍ରସ୍ତାବ ଦେଇଛି ଏହି ବିତରଣ କମ୍ପାନୀ । ଆଉ ଯଦି ଏହି ପ୍ରସ୍ତାବକୁ ଓଇଆରସି ଗ୍ରହଣ କଲେ ଆସନ୍ତା ଆର୍ଥିକବର୍ଷରୁ ବଢିବ ବିଜୁଳି ଦର । ଦର ବୃଦ୍ଧି ପାଇଁ ବିଭିନ୍ନ ବିଦ୍ୟୁତ୍ ବିତରଣ କମ୍ପାନୀ କରିଥିବା ଆବେଦନ ଉପରେ ଆଜିଠୁ ଆରମ୍ଭ ହୋଇଛି ଶୁଣାଣି । ଓଡିଶା ରାଜ୍ୟ ବିଦ୍ୟୁତ ନିୟାମକ ଆୟୋଗ ପକ୍ଷରୁ ଏହି ଶୁଣାଣି କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ଓଡିଶା ହାଇଡ୍ରୋ ପାୱାର କର୍ପୋରେସନ ଲିମିଟେଡ୍ ବା ଓଏଚପିସି ନିଜର ପକ୍ଷ ରଖିଛି ଓଏଚପିସି ପକ୍ଷରୁ କୁହାଯାଇଛି ସମସ୍ତ ଆନୁସଂଘିକ ଖର୍ଚ୍ଚ ବୃଦ୍ଧି ଘଟିଥିବାରୁ ୟୁନିଟ୍ ପିଛା ବିଦ୍ୟୁତ୍ ଦେୟ ମଧ୍ୟ ବୃଦ୍ଧି କରାଯିବା ଆବଶ୍ୟକ । ଆଜିଠାରୁ ଆରମ୍ଭ ହୋଇଥିବା ଶୁଣାଣି ଆସନ୍ତା ୧୪ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ବିଭିନ୍ନ ବିଦ୍ୟୁତ୍ ବିତରଣ କମ୍ପାନୀ ନିଜ ନିଜର ପକ୍ଷ ରଖିବେ । ୧୪ ପରେ ୨୬ତାରିଖରେ ବସିବ ରାଜ୍ୟ ଉପଦେଷ୍ଟା କମିଟି ବୈଠକ ।
ବୈଠକରେ ସମସ୍ତ ଆବେଦନ ଉପରେ ବିଚାର କରାଯିବ । ଏବଂ ମାର୍ଚ୍ଚ ତୃତୀୟ ସପ୍ତାହ ସୁଦ୍ଧା ଦେୟ ବୃଦ୍ଧି ନେଇ ନୀତିଗତ ନିଷ୍ପତି ନେବ ଓଇଆରସି । ଏବେ ଘରୋଇ ସଂଯୋଗରୁ ଉପଭୋକ୍ତାଙ୍କୁ ୟୁନିଟ ପିଛା ଅଢେଇ ଟଙ୍କା, ବାଣିଜ୍ୟିକ ସଂଯୋଗରୁ ସାଢେ ୪ଟଙ୍କା ଓ ଶିଳ୍ପାନୁଷ୍ଠାନକୁ ୟୁନିଟ ପିଛା ୬ଟଙ୍କା ବିଦ୍ୟୁତ ଦେୟ ଦେବାକୁ ପଡୁଛି । ତେଣୁ ବିତରଣ କମ୍ପାନିର କ୍ଷତିକୁ ଚାହିଁ ବିଜୁଳି ଦର ଧାର୍ଯ୍ୟହେଲେ ଉପଭୋକ୍ତାଙ୍କ ଉପରେ ପଡିବ ମହଙ୍ଗା ବୋଝ । କମ୍ପାନିଗୁଡିକର ଯୁକ୍ତିକୁ ଓଇଆରସି ଗ୍ରହଣ କଲେ ଆସନ୍ତା ଆର୍ଥିକବର୍ଷରୁ ଅର୍ଥାତ ଏପ୍ରିଲ ପରେ ବଢିପାରେ ବିଜୁଳି ଦର ।