କନକ ବ୍ୟୁରୋ: ଆଉ ଏକ ଅନ୍ତର୍ଜାତୀୟ ପୁରସ୍କାର ପାଇଁ ମନୋନୀତ ହୋଇଛନ୍ତି ପଦ୍ମଶ୍ରୀ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ‘ଇଟାଲୀୟାନ ଗୋଲ୍ଡେନ ସ୍ୟାଣ୍ଡ ଆର୍ଟ’ ପୁରସ୍କାର ୨୦୧୯ ପାଇଁ ମନୋନୀତ ହୋଇଛନ୍ତି ସୁଦର୍ଶନ । ତେବେ ବାଲୁକା କଳାକୁ ନେଇ ଇଟାଲୀରେ ଆୟୋଜିତ ଏକ ଉତ୍ସବରେ ସୁଦର୍ଶନଙ୍କୁ ସମ୍ମାନୀତ କରାଯିବ । ୫ ଦିନ ବ୍ୟାପୀ ହେବାକୁ ଥିବା ଏହି ଉତ୍ସବ ନଭେମ୍ବର ୧୩ରୁ ୧୮ ଯାଏଁ ଚାଲିବ । ଏହି ଉତ୍ସବରେ ସୁଦର୍ଶନ ଭାରତ ପକ୍ଷରୁ ପ୍ରତିନିଧିତ୍ୱ କରୁଥିବା ବେଳେ ମୋଟ ୮ ଜଣ ବାଲୁକା ଶିଳ୍ପୀ ଏଥିରେ ଭାଗନେବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଇଲାଟୀ ପକ୍ଷରୁ ମିଳୁଥିବା ଏହି ପୁରସ୍କାର ପାଇଁ ସେ ମନୋନୀତ ହୋଇଥିବାରୁ ବହୁତ ଖୁସି ଥିବା ସୁଦର୍ଶନ କହିଛନ୍ତି । ୬୦ରୁ ଅଧିକ ଅନ୍ତର୍ଜାତୀୟ ବାଲୁକା କଳା ପ୍ରତିଯୋଗିତାରେ ସୁଦର୍ଶନ ବିଭିନ୍ନ ସମୟରେ ଭାଗ ନେଇ ଭିନ୍ନଭିନ୍ନ ବାର୍ତ୍ତା ଦେଇଛନ୍ତି ।