ନୂଆ ୨ କୋଭିଡ୍ ହସ୍ପିଟାଲ । ଜଟଣୀ ଓ ଜାମୁଝରୀରେ ହେବ ୨ଟି କୋଭିଡ୍ କେୟାର ସେଣ୍ଟର । ୮୦୦ ଶଯ୍ୟା ବିଶିଷ୍ଟ ହସ୍ପିଟାଲରେ କରାଯିବ ସାମାନ୍ୟ ଲକ୍ଷଣ ଥିବା ରୋଗୀଙ୍କ ଚିକିତ୍ସା
କନକ ବ୍ୟୁରୋ: ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ପରିସ୍ଥିତିର ମୁକାବିଲା ପାଇଁ ସରକାର ନିରନ୍ତର ପ୍ରୟାସ ଜାରି ରଖିଥିବା ବେଳେ ଆଜି ଖୋର୍ଦ୍ଧା ଜିଲ୍ଲା ପ୍ରଶାସନ ଓ ସମ ହସ୍ପିଟାଲ ମଧ୍ୟରେ ବୁଝାମଣା ପତ୍ର ସ୍ୱାକ୍ଷର ହୋଇଛି । ବର୍ତ୍ତମାନ ଖୋର୍ଦ୍ଧା ଜିଲ୍ଲାରେ ୧୩୩୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବର୍ଦ୍ଧିତ ସଂଖ୍ୟାକୁ ଦେଖି ଏବେ ନୂଆ କୋଭିଡ କେୟାର ସେଣ୍ଟର ନିର୍ମାଣ କରାଯିବ । ଖୋର୍ଦ୍ଧା ଜିଲ୍ଲାର ଜାମୁଝରୀ ଏବଂ ଜଟଣୀରେ ଏହି କୋଭିଡ କେୟାର ସେଣ୍ଟର ନିର୍ମାଣ କରାଯିବ । ଏହି ଦୁଇ କୋଭିଡ୍ କେୟାର ସେଣ୍ଟରରେ ସାମାନ୍ୟ ଲକ୍ଷଣ ଥିବା ଓ ଆଦୌ ଲକ୍ଷଣ ନ ଥିବା କରୋନା ଆକ୍ରାନ୍ତଙ୍କୁ ଚିକିତ୍ସା କରାଯିବ।
Kanak News is now on WhatsApp
Join and get latest news updates delivered to you via WhatsApp
Odisha’s fight against #COVID19 strengthened further as @DMKhordha has signed a MoU with IMS & SUM Hospital to operationalise 500 bed Covid Care Center at Jamujhari & 300 bed centre at Jatani. They will be used for treatment of mild and asymptomatic patients. #OdishaFightsCorona pic.twitter.com/rp223RRNMx
— CMO Odisha (@CMO_Odisha) July 13, 2020
ଜାମୁଝରୀରେ ନିର୍ମାଣ ହେବାକୁ ଥିବା କୋଭିଡ କେୟାର ସେଣ୍ଟର ୫୦୦ ଶଯ୍ୟା ବିଶିଷ୍ଟ ହେବା ସହ ଜଟଣୀରେ ହେବାକୁ ଥିବା କୋଭିଡ କେୟାର ସେଣ୍ଟର ୩୦୦ଶଯ୍ୟା ବିଶିଷ୍ଟ ହେବ । ନୂତନ କୋଭିଡ କେୟାର ସେଣ୍ଟର ହେବା ଦ୍ୱାରା କରୋନା ରୋଗୀଙ୍କୁ ସଠିକ ସମୟରେ ଚିକିତ୍ସା ସୁବିଧା ଯୋଗାଇ ଦିଆଯାଇପାରିବ ବୋଲି ଜିଲ୍ଲା ପ୍ରଶାସନ ଆଶା ବ୍ୟକ୍ତ କରିଛନ୍ତି । ଖୋର୍ଦ୍ଧାରେ ଏଯାବତ ୧୩୩୬ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୮୮୩ଜଣ ସୁସ୍ଥ ହୋଇସାରିଥିବା ବେଳେ ୪୩୮ଟି ସକ୍ରିୟ ମାମଲା ରହିଛି । ଏହା ସହ କରୋନା ଆକ୍ରାନ୍ତ ହୋଇ ୧୦ଜଣ ପ୍ରାଣ ହରାଇଛନ୍ତି ।