କୋଭିଡ୍-୧୯ ପରୀକ୍ଷା ପାଇଁ ଫି ଧାର୍ଯ୍ୟ କଲେ ସରକାର: ଘରୋଇ କ୍ଲିନିକରେ ପରୀକ୍ଷା କଲେ ସର୍ବାଧିକ ନେଇପାରିବେ ୨୨ ଶହ ଟଙ୍କା; ଭୁବନେଶ୍ୱରର ୪ଟି ହସ୍ପିଟାଲକୁ ପରୀକ୍ଷା ପାଇଁ ଅନୁମତି
କନକ ବ୍ୟୁରୋ: କାଭିଡ୍-୧୯ ପରୀକ୍ଷା ପାଇଁ ଫି – ଧାର୍ଯ୍ୟ କରିଛନ୍ତି ରାଜ୍ୟ ସରକାର । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ନିଷ୍ପତି ଅନୁଯାୟୀ ଆରଟିପିସିଆର ଟେଷ୍ଟ ପାଇଁ ମନୋନୀତ ହୋଇଥିବା ଘରୋଇ କ୍ଲିନିକମାନେ ସର୍ବାଧିକ ୨୨ଶହ ଟଙ୍କା ଫି ନେଇ ପାରିବେ । ଏହା ଭିତରେ ଜିଏସଟି ସମେତ ଅନ୍ୟାନ୍ୟ ଫି ମଧ୍ୟ ରହିଛି । ଭୁବନେଶ୍ୱରର ୪ଟି ହସ୍ପିଟାଲକୁ କୋଭିଡ୍୧୯ ପରୀକ୍ଷା ପାଇଁ ଅନୁମତି ଦିଆଆଯାଇଛି । ଆପୋଲୋ ହସ୍ପିଟାଲ, ସମ୍ ହସ୍ପିଟାଲ, ଜେନେଏକ୍ସ ଡାଇଗୋନୋଷ୍ଟିକ୍ସ ଓ ଆଇଏନଡିଏନଏ ଲାଇଫ୍ ସାଇନ୍ସକୁ ପରୀକ୍ଷା ପାଇଁ ଅନୁମତି ଦେଇଛନ୍ତି ଆଇସିଏମଆର । ଏହି ହସ୍ପିଟାଲ ଗୁଡିକ ଆରସିଏମଆର ତତ୍ୱାବଧାନରେ କରୋନା ପରୀକ୍ଷା କରିବେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାବେଳେ ବଡ ଆଶଙ୍କା କରିଛନ୍ତି ବରିଷ୍ଠ ଡାକ୍ତର ଅଶୋକ ମହାପାତ୍ର । କହିଛନ୍ତି, ଓଡିଶାରେ ବର୍ତମାନ ଗୋଷ୍ଠୀ ସଂକ୍ରମଣ ଆଶଙ୍କାକୁ ଏଡାଇ ଦିଆଯାଇନପାରେ ।ଯେତେବେଳେ କଂଟାକ୍ଟ ଟ୍ରେସିଂ ହୋଇନପାରେ ସେତେବେଳେ ଗୋଷ୍ଠୀ ସଂକ୍ରମଣ ନେଇ ଆଶଙ୍କା କରାଯାଏ । କିିନ୍ତୁ ଏବେ ସୁଦ୍ଧା ରାଜ୍ୟରେ ସମସ୍ତଙ୍କ କଂଟାକ୍ଟ ଟ୍ରେସିଂ ହୋଇପାରୁନି ବୋଲି ସୋଆ କୁଳପତି ଡାକ୍ତର ଅଶୋକ ମହାପାତ୍ର । ସେହିପରି ରାଜ୍ୟରେ ଖୁବ ଶୀଘ୍ର ପ୍ଲାଜମା ଥେରାପି ଆରମ୍ଭ ହେବ । କରେନାରେ ଭଲ ହୋଇଥିବା ଲୋକଙ୍କ ପାଖରୁ ପ୍ଲାଜମା ନିଆଯିବ । ପ୍ରୋଟୋକଲ ଅନୂୁସାରେ ଏହି ପ୍ରୟୋଗ କରାଯିବ । ଗୋଟିଏ ସପ୍ତାହ ଭିତରେ ଏହା ଆରମ୍ଭ ହେବ । ସେହିପରି କରୋନା ଭ୍ୟାକସିନ ଉପରେ ଗତକାଲି ଆଇସିଏମଆର ସମକୁ ଅନୁମତି ଦେଇଛି । । ୫ରୁ ୧୦ ଦିନ ଭିତରେ ଏହି ପ୍ରକ୍ରିୟା ଆରମ୍ଭ ହେବ । ଅଗଷ୍ଟ ୧୫ ସୁଦ୍ଧା ପରୀକ୍ଷା କରାଯିବ ବୋଲି ସେ କହିଛନ୍ତି । ।