କନକ ବ୍ୟୁରୋ : କଟକ ସହରରେ ବେଧଡକ ଚାଲିଛି ନିଶା କାରବାର । କନକ ନ୍ୟୁଜ ହାତରେ ଲାଗିଥିବା ଏକ ହ୍ୱାଟ୍ସଆପ ଚାଟରେ, ୨ଟି ବଡର ମୂଲ୍ୟ ୭୦୦ ଟଙ୍କା ବୋଲି ଲେଖା ଯାଇଛି । ବଡ ଅର୍ଥାତ ଗଞ୍ଜେଇରୁ ପ୍ରସ୍ତୁତ ଏକପ୍ରକାର ନିଶା, ଯାହାକୁ ଚିଲମ ସାହାଯ୍ୟରେ ଟଣା ଯାଇଥାଏ । ଜଣେ ଡ୍ରଗ୍ସ ପେଡଲର ଗ୍ରାହକଙ୍କ ନିକଟକୁ ପଠାଇଥିବା ହ୍ୱାଟ୍ସଆପରେ ଏହି ମେସେଜରୁ ଜଣାପଡୁଛି କିଭଳି କଟକ ସହରରେ ଖୁଲମଖୁଲ୍ଲା ଚାଲିଛି ନିଶା କାରବାର ।
Kanak News is now on WhatsApp
Join and get latest news updates delivered to you via WhatsApp
କଟକ ସହରରେ କେମିତି ହେଉଛି ଡ୍ରଗ୍ସ କାରବାର, ତାର ଏକ ଏକ୍ସକ୍ଲୁସିଭ ହ୍ୱାଟ୍ସଆପ୍ ଚାଟ୍ କନକ ନ୍ୟୁଜ ହାତରେ ଲାଗିଛି । ଡ୍ରଗ୍ସ ପେଡଲର ଓ ନିଶାଡିଙ୍କ ଭିତରେ ହୋଇଥିବା ହ୍ୱାଟ୍ସଆପ ଚାଟରେ ୨ଟି ବଡର ମୂଲ୍ୟ ୭୦୦ ଟଙ୍କା ବୋଲି ଲେଖାଯାଇଛି । ଅପରାହ୍ନ ସାଢେ ୫ଟା ପରେ ଆସିବାକୁ ହ୍ୱାଟ୍ସଆପ ଚାଟରେ କୁହାଯାଇଛି । ଜଣେ ଡ୍ରଗ୍ସ ପେଡଲର ଗ୍ରାହକଙ୍କ ନିକଟକୁ ହ୍ୱାଟ୍ସଆପରେ ପଠାଇଥିବା ଏହି ମେସେଜରୁ ଜଣାପଡୁଛି କିଭଳି କଟକ ସହରରେ ଖୁଲମଖୁଲ୍ଲା ଚାଲିଛି ନିଶା କାରବାର ।
ବ୍ରାଉନସୁଗାର କବଳରେ ଟ୍ୱିନ ସିଟିର ଯୁବପିଢ଼ି । ଦିନକୁ ଦିନ ବଢୁଛି ନିଶାଗ୍ରସ୍ତ ଯୁବକଙ୍କ ସଂଖ୍ୟା । ପ୍ରତିଦିନ ଗଞ୍ଜେଇ ଓ ବ୍ରାଉନ ସୁଗାର ଧରାପଡିବା ଭଳି ଖବର ସବୁ ସାମ୍ନାକୁ ଆସୁଛି । କିନ୍ତୁ ରାଜ୍ୟରେ ଏତେ ପରିମାଣରେ ଜହର ବିକ୍ରି ହେଉଛି ଯେ, ପୁଲିସର ବାରମ୍ବାର ଚଢାଉ ସତ୍ୱେ ଏହି କାରବାର ଉପରେ ରୋକ୍ ଲଗାଇବା ସମ୍ଭବ ହେଉନାହିଁ । ଗତ କିଛିବର୍ଷ ଭିତରେ କଟକ-ଭୁବନେଶ୍ୱର ଟ୍ୱିନ ସିଟିରେ ଶହଶହ ସଂଖ୍ୟାରେ ଯୁବକ ଏହି ଧଳା ଜହରର ଶିକାର ହୋଇଥିବା କହିଥିଲେ ଖୋଦ ପୋଲିସ କମିଶନର ।
କେମିତି ଚାଲିଛି ନିଶା କାରବାର: କମିଶନରଙ୍କ ସୂଚନା
– ଗତ ୯ ମାସରେ ଟ୍ୱିନ ସିଟିରୁ ପୋଲିସ ୧୦ କେଜି ଓଜନର ବ୍ରାଉନ ସୁଗାର ଜବତ କରିଛି
– ଚଳିତବର୍ଷ ଜାନୁଆରୀରୁ ସେପ୍ଟେମ୍ବର ମଧ୍ୟରେ ଏହି ପରିମାଣର ଧଳା ଜହର ଜବତ ହୋଇଛି
– ଏହାର ବଜାର ମୂଲ୍ୟ ଆନୁମାନିକ ୧୦ କୋଟି ଟଙ୍କା ହେବ ବୋଲି ପୋଲିସ କହିଛି
– ନିଶା କାରବାରକୁ ନେଇ ୪୪ଟି ମାମଲା ହୋଇଥିବାବେଳେ ଗିରଫ ହେଲେଣି ୯୭ ଜଣ
ପୋଲିସ କମିଶନର କହିଥିଲେ ବ୍ରାଉନ ସୁଗାର କାରବାରରେ କଟକରେ ୧୧ଟି ମାମଲାରେ ୩୦ ଜଣଙ୍କୁ ଗିରଫ କରାଯାଇଛି । ସେମାନଙ୍କଠାରୁ ୪ କେଜି ୬୦୦ ଗ୍ରାମ ବ୍ରାଉନ ସୁଗାର ଜବତ କରାଯାଇଛି । ବାଲେଶ୍ୱର ଓ ଜଳେଶ୍ୱରରୁ ଟ୍ୱିନ ସିଟିକୁ ଏହି ବିଷ ଆସୁଥିବା ସ୍ପଷ୍ଟ ହୋଇଥିଲେ ବି କାରବାରର ମୁଖିଆମାନଙ୍କୁ ଠାବ କରାଯାଇ ପାରୁନାହିଁ ।