କନକ ବ୍ୟୁରୋ: ଆଉ ୧୦ବର୍ଷ ବଢ଼ିଲା ଭାରତୀୟ ଜାତୀୟ ହକି ଦଳ ମାନଙ୍କର ପ୍ରାୟୋଜକ ଅବଧି । ଆଜି ରାଜ୍ୟ କ୍ୟାବିନେଟ୍ ଉଭୟ ପୁରୁଷ ଓ ମହିଳା ଭାରତୀୟ ଜାତୀୟ ହକି ଦଳର ପ୍ରାୟୋଜକ ଚୁକ୍ତିକୁ ଆଉ ୧୦ବର୍ଷ ପାଇଁ ବୃଦ୍ଧି ପ୍ରସ୍ତାବ ଉପରେ ମୋହର ବାଜିଛି । ଅର୍ଥାତ ୨୦୨୩ରୁ ୨୦୩୩ ପର୍ଯ୍ୟନ୍ତ ହକି ଟିମ୍ ପ୍ରାୟୋଜକ ଅବଧିକୁ କ୍ୟାବିନେଟ ଅନୁମୋଦନ କରିଛି ।
ଓଡିଶା ସରକାର ୨୦୧୮ରୁ ଉଭୟ ପୁରୁଷ ଓ ମହିଳା ଜାତୀୟ ହକି ଟିମର ପ୍ରାୟୋଜକ ରହିଛନ୍ତି । ରାଜ୍ୟ ସରକାରଙ୍କ ଅନୁମୋଦନ କ୍ରମେ ଓଡିଶା ଖଣି ନିଗମ, ୨୦୧୮ରୁ ୨୦୨୩ ପର୍ଯ୍ୟନ୍ତ ୫ବର୍ଷ ପାଇଁ ଭାରତୀୟ ହକି ଦଳର ପ୍ରାୟୋଜକତା ପାଇଁ ହକି ଇଣ୍ଡିଆ ସହ ଚୁକ୍ତି କରିଥିଲା । ତେବେ ଆଗାମୀ ୧୦ ବର୍ଷ ମଧ୍ୟରେ ହକି ଇଣ୍ଡିଆକୁ ୪୩୪ କୋଟି ଟଙ୍କା ପ୍ରଦାନ କରାଯିବ । ଓଡିଶା ସରକାର ହକି ଖେଳର ପ୍ରମୁଖ ପ୍ରୋତ୍ସାହନ ଦାୟିତ୍ୱ ତୁଲାଇ ଆସୁଛନ୍ତି, ଏବଂ ହକି ଇଣ୍ଡିଆ ସହ ରାଜ୍ୟର ଭାଗିଦାରୀ ଦେଶର କ୍ରୀଡାର ପୁନରୁଦ୍ଧାରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ।
#ଆହୁରି_୧୦_ବର୍ଷ_ହକି_ସହ_ଓଡିଶା
୧୦ ବର୍ଷ ବଢିଲା ହକି ଟିମ୍ ପ୍ରାୟୋଜକ ଅବଧି
ଭାରତୀୟ ହକି ଦଳର ପ୍ରାୟୋଜକ ଅବଧି ବଢାଇଲା ଓଡିଶା
ଆହୁରି ୧୦ ବର୍ଷ ପ୍ରାୟୋଜକ ରହିବ ଓଡିଶା
କ୍ୟାବିନେଟ୍ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
୨୦୨୩ରୁ ୨୦୩୩ ଯାଏଁ ପ୍ରାୟୋଜକ ଅବଧି ବଢିଲା#HockeyOdisha #Odisha #KanakNews pic.twitter.com/D0vR6K2R3P— Kanak News (@kanak_news) April 24, 2023
ଟୋକିଓ ଅଲିମ୍ପିକ୍ସରେ ପୁରୁଷ ଦଳ ୪୧ବର୍ଷ ପରେ ବ୍ରୋଞ୍ଚ୍ ପଦକ ଜିତିଥିବାବେଳେ ମହିଳା ଦଳ ପ୍ରଥମ ଥର ପାଇଁ ସେମିଫାଇନାଲରେ ପ୍ରବେଶ କରି ସଫଳତା ପାଇଥିଲା । ଓଡିଶାର ଯୁବବର୍ଗଙ୍କ ମଧ୍ୟରେ ହକି ଏକ ଲୋକପ୍ରିୟ କ୍ରୀଡା ହୋଇଥିବାରୁ ଏହି ନିଷ୍ପତି ଦ୍ୱାରା କ୍ରୀଡାକୁୁ ଅଧିକ ପ୍ରୋତ୍ସାହନ ଦେବା ସହ ଅଧିକରୁ ଅଧିକ ଯୁବ ଖେଳାଳିଙ୍କୁ କ୍ରୀଡା ପ୍ରତି ଆକୃଷ୍ଟ କରିବାକୁ ସରକାର ଲକ୍ଷ୍ୟ ରଖିଛନ୍ତି ।
ଏଥିସହ ରାଜ୍ୟ ରାଜ୍ୟ କ୍ୟାବିନେଟ୍ ଆଜି ୧୫ଟି ପ୍ରସ୍ତାବ ଉପରେ ମୋହର ମାରିଛି । କଟକ ରିଂ ରୋଡକୁ ଛଅ ଲେନ୍ କରିବା, ପ୍ରସ୍ତାବକୁ ଅନୁମୋଦନ ଦେଇଛି ରାଜ୍ୟ କ୍ୟାବିନେଟ୍ । ସେହିପରି ଇଭି ପଲିସୀ ୨୦୨୧ ସଂଶୋଧନ ପ୍ରସ୍ତାବକୁ କ୍ୟାବିନେଟ୍ ମୋହର ମାରିଛି । ଓବିସି କମିଶନ ସଂଶୋଧନ ନେଇ ଅଧ୍ୟାଦେଶ ଉପରେ ମୋହର ମାରିଛି ରାଜ୍ୟ କ୍ୟାବିନେଟ୍ ।