ମତଦାନରେ ସାମିଲ ହେଲେନି ୩ଟି ଗାଁର ମତଦାତା । ମୃତ ଯୁବକକୁ କ୍ଷତିପୂରଣ ଦାବିରେ ପାଟକୁରାରେ ୬୦୦ରୁ ଅଧିକ ଭୋଟରଙ୍କ ଭୋଟ୍ ବର୍ଜନ

112

କନକ ବ୍ୟୁରୋ: ମତ ଦେଲେନି ମତଦାତା । ମତଦାନରୁ ଦୁରେଇ ରହିଲେ ପାଟକୁରାର ୩ଟି ଗାଁର ପାଖାପାଖି ୬୭୦ ଜଣ ଭୋଟର । ତେବେ ପାଟକୁରା ନିର୍ବାଚନ ମଣ୍ଡଳୀରେ ଶାନ୍ତିପୂର୍ଣ୍ଣ ମତଦାନ ହୋଇଥିବା ବେଳେ ଏହି ନିର୍ବାଚନ ମଣ୍ଡଳୀରେ ଥିବା ତିନୋଟି ଗାଁର ଛଅ ଶହରୁ ଅଧିକ ଭୋଟର ଭୋଟ୍ ବର୍ଜନ କରିଛନ୍ତି । ପାଟକୁରାର ସିଙ୍ଗିଡିଆ, ଲେଖନପଡା, ପଣସୁଆପଡା ଗାଁର ପାଖାପାଖି ଛଅ ଶହରୁ ଅଧିକ ଭୋଟର ଭୋଟ ବର୍ଜନ କରିଛନ୍ତି ।

ପାଟକୁରାର ୨୮୯ ନମ୍ବର ବୁଥରେ ଏଯାଏଁ କେହି ଜଣିଏ ହେଲେବି ଭୋଟ୍ ଦେବାକୁ ଆସିନାହାଁନ୍ତି । ଅନ୍ୟପଟେ ବର ଯାତ୍ରୀ ଗାଡି ଦୁର୍ଘଟଣାରେ ମୃତ୍ୟୁ ହୋଇଥିବା ଜଣେ ଯୁବକଙ୍କ ପରିବାର ଲୋକଙ୍କୁ କ୍ଷତିପୁରଣ ନମିଳିବା ପର୍ଯ୍ୟନ୍ତ ଭୋଟ୍ ବର୍ଜନ କରିବାକୁ ନିଷ୍ପତି ନେଇଛନ୍ତି ଏହି ୩ଟି ଗାଁର ଲୋକେ ।

ସେପଟେ, ଜଗତସିଂହପୁର ବାଲିକୁଦା –ଏରସମା ନିର୍ବାଚନୀ ମଣ୍ଡଳୀ ଭିତରଅନ୍ଧାରୀ ଗାଁର ପାଖାପାଖି ୪ ଶହରୁ ଅଧିକ ମତଦାନା ଭୋଟ୍ ବର୍ଜନ କରିଛନ୍ତି । ଗତକାଲି ୮୭ ନମ୍ବର ବୁଥ ସୁରକ୍ଷା ଦାୟିତ୍ୱରେ ଥିବା ପୁଲିସ କର୍ମଚାରୀଙ୍କ ସହ କିଛି ଯୁବକଙ୍କ ବଚସା ହୋଇଥିଲା । ତେବେ ରାତିରେ ବୁଥକୁ କିଛି ଯୁବକ ଯାଇଥିବା ବେଳେ ପୁଲିସ-ଯୁବକ ମଧ୍ୟରେ ଧସ୍ତାଧସ୍ତି ହୋଇଥିଲା । ଯାହାକୁ ପ୍ରତିବାଦ କରି ଆଜି ଭୋଟ୍ ବର୍ଜନ କରିଛନ୍ତି ଏହି ଗାଁର ପ୍ରାୟ ୪୮୭ ଭୋଟର ।