ପୋଲିସ ଏଏସଆଇ ରବୀନ୍ଦ୍ର ସେନାପତିଙ୍କ ଘରେ ରେଡ୍ : ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ; ଏକକାଳୀନ ୩ଟି ସ୍ଥାନରେ ଭିଜିଲାନ୍ସର ଚଢାଉ
କନକ ବ୍ୟୁରୋ : ଜଗତସିଂହପୁରରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ ଜାରି । ଜଗତସିଂହପୁରର ପୁଲିସ ଏଏସଆଇ ରବୀନ୍ଦ୍ର ସେନାପତିଙ୍କ ଘରେ ଭିଜିଲାନ୍ସ ଚଢ଼ାଉ ହୋଇଛି । ତାଙ୍କର ଏରସମା ଥାନା ପୈତୃକ ଘର ସମେତ ତିନିଟି ସ୍ଥାନରେ ଏକ ସାଙ୍ଗରେ ଚଢ଼ାଉ ଜାରି ରହିଛି । ୩ଟି ଟିମରେ ୨୫ ଜଣିଆ ଟିମ୍ ଏହି ଚଢ଼ାଉ କରୁଥିବାର ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ମକୁନ୍ଦପୁରରେ ନିଜ ଘର, ଏରସମା ପଂଚପଲ୍ଲୀ ନିକଟ ଗଡ଼ ବିଶୁନୁପୁର ପଂଚାୟତର ଆନନ୍ଦପୁର ଗାଁ ପୈତୃକ ଘର ଓ ଭୁବନେଶ୍ୱର ହଂସପାଳ ଆପର୍ଟମେଣ୍ଟ ରେ ଏକକାଳୀନ ଚଢ଼ାଉ କରାଯାଇଛି । ୧୦ ରୁ ଅଧିକ ବ୍ୟାଙ୍କ ପାସ ବୁକ, ସୁନା ଗହଣା ମିଳିଥିବା ସୂଚନା ମିଳିଛି । ଲକର ଖୋଲା ଗଲେ ଅଧିକ ଟଙ୍କା ଓ ସୁନା ମିଳିପାରେ ବୋଲି କୁହାଯାଉଛି । ତିନୋଟି କୋଠାର ମୂଲ୍ୟ ଦେଢ଼ କୋଟିରୁ ଅଧିକ ଟଙ୍କା ହେବ ବୋଲି ଆକଳନ କରାଯାଉଛି ।