କନକ ବ୍ୟୁରୋ: ଓଡ଼ିଶା ଉଦାହରଣ ଦେଲା ନୀତି ଆୟୋଗ । ଶିକ୍ଷା ବ୍ୟବସ୍ଥାକୁ ନେଇ ରାଜ୍ୟ ସରକାରଙ୍କ ବିଭିନ୍ନ ପଦକ୍ଷେପକୁ ଭୁରିଭୁରି ପ୍ରଶଂସା କରିଛନ୍ତି ନୀତି ଆୟୋଗ । ପଞ୍ଚମ ପାଳିରେ କ୍ଷମତାକୁ ଆସିବା ପରେ ରାଜ୍ୟ ସରକାରଙ୍କ ‘ଫାଇଭ୍-ଟି’ କାର୍ଯ୍ୟକ୍ରମ ଜରିଆରେ ବିଭିନ୍ନ ଦିଗରେ ସଫଳତା ହାସଲ କରିଛନ୍ତି । ବିଶେଷ କରି ଶିକ୍ଷା ବ୍ୟବସ୍ଥା ନେଇ ଏହି ‘ଫାଇଭ-ଟି’ ଅଧିକ ସଫଳ ହୋଇଥିବା କହିଛନ୍ତି ନୀତି ଆୟୋଗ ।
Kanak News is now on WhatsApp
Join and get latest news updates delivered to you via WhatsApp
Transformation, technology, teamwork, transparency & timelines.#Odisha has adopted a 5T agenda to transform its #education system, to achieve the goal of all children at grade-appropriate learning level in a school environment that is conducive and engaging. pic.twitter.com/ZS2cs2fSWd
— NITI Aayog (@NITIAayog) November 22, 2019
ସଭିଏଁ ପଢ଼ିବେ , ସଭିଏଁ ବଢ଼ିବେ ନାରା ଏବଂ ସ୍କୁଲରେ ଶୈକ୍ଷିକ ବାତାବରଣ ସୃଷ୍ଟି କରି କିଭଳି ସମସ୍ତଙ୍କୁ ଉଚିତ୍ ଶିକ୍ଷାଦାନ ଦିଆଯିବ ସେନେଇ ସରକାର ଉତ୍ତମ ପଦକ୍ଷେପ ନେଉଛନ୍ତି । ଯାହା ପିଲାମାନଙ୍କୁ ତାଙ୍କ ଲକ୍ଷ୍ୟସ୍ଥଳ ହାସଲ କରିବାକୁ ଆର୍ଷିତ କରିବା ସହ ପାଠ ପଢ଼ିବାକୁ ଅଧିକ ପ୍ରୋତ୍ସାହିତ କରିବ । ଆଉ ନୀତି ଆୟୋଗ ଏବଂ ସାଥ୍-ଇ ପ୍ରୋଜେକ୍ଟ ଜରିଆରେ ଶିକ୍ଷା ବ୍ୟବସ୍ଥାକୁ ଅଧିକ ମଜବୁତ୍ କରିବା ଓ ଉନ୍ନତି ଆଣିବା କ୍ଷେତ୍ରରେ ଓଡ଼ିଶା ବିଶେଷ ଅଗ୍ରଗତି କରିଥିବା କହିଛନ୍ତି ନୀତି ଆୟୋଗ ।
ବିଶେଷ କରି ବ୍ଲକସ୍ତରୀୟ ଏବଂ ଜିଲ୍ଲାସ୍ତରୀୟ କ୍ଷେତ୍ରରେ ଶିକ୍ଷା ବ୍ୟବସ୍ଥାର ଉନ୍ନତି ନେଇ ଅଧିକ ଫୋକସ ଦେଇଛନ୍ତି ଓଡ଼ିଶା ସରକାର । ଆଉ ଓଡ଼ିଶା ଟ୍ରାନ୍ସଫର୍ମେସନ୍, ଟେକ୍ନୋଲୋଜି, ଟିମୱାର୍କ, ଟ୍ରାନ୍ସପରେନ୍ସି ଏବଂ ଟାଇମଲାଇନ୍ସ ଭଳି ‘ଫାଇଭ୍-ଟି’ କାର୍ଯ୍ୟକ୍ରମ ଅନ୍ୟ ରାଜ୍ୟ ଗୁଡ଼ିକ ପାଇଁ ଉଦାହରଣ ପାଲଟିଛି । ଆଉ ନୀତି ଆୟୋଗର ପ୍ରଶଂସା ପରେ ଟ୍ୱିଟର ୟୁଜର୍ସମାନେ ମଧ୍ୟ ରାଜ୍ୟ ସରକାରଙ୍କ ଏହି କାର୍ଯ୍ୟକ୍ରମକୁ ସାଧୁବାଦ୍ ଜଣାଇଥିବା ଦେଖିବାକୁ ମିଳିଛି ।