ମାଓ ଭୟରେ ଗାଁ ଛାଡ଼ିଲେ ସରପଂଚଙ୍କ ପରିବାର : ପୋଲିସ ଇନଫର୍ମର ସନ୍ଦେହରେ ପୁଅକୁ ହତ୍ୟା କରିବା ପରେ ଗାଁଠାରୁ ଦୂରେଇ ରହିଲେ ଦୌପଦୀ ପାତ୍ରଙ୍କ ପରିବାର
କନ୍ଧମାଳ ଛାଡ଼ି କଳାହାଣ୍ଡି ଯାଇଥିବା ସୂଚନା
କନକ ବ୍ୟୁରୋ : ମାଓ ଭୟରେ ଗାଁ ଛାଡ଼ିଲେ ସରପଂଚଙ୍କ ପରିବାର । ପୁଲିସ ଉପରୁ ଆସ୍ଥା ହରାଇ ଗାଁ ଛାଡ଼ିଥିବା ସୂଚନା । କନ୍ଧମାଳ ଜିଲ୍ଲା ବେଲଘର ଥାନା ଇଲାକାରେ ଲାଲ୍ ଆତଙ୍କରେ ଲୋକେ ଥରହର । କିଛିଦିନ ତଳେ ମାଓବାଦୀଙ୍କ ବର୍ବରୋଚିତ ହତ୍ୟାକାଣ୍ଡ ଯୋଗୁ ପୁଅକୁ ହରାଇଥିବା ସରପଂଚଙ୍କ ପରିବାର ମଧ୍ୟ ମାଓବାଦୀଙ୍କ ଭୟରେ ଗାଁ ଛାଡ଼ିଛନ୍ତି । ଭଣ୍ଡରଙ୍ଗି ସରପଂଚ ଦୌପଦୀ ପାତ୍ରଙ୍କ ପୁଅ ଭବାନୀଙ୍କୁ ପୁଲିସ ଇନଫର୍ମର କହି ମାଓବାଦୀମାନେ ହାତଗୋଡ଼ ବାନ୍ଧୀ ଗଳାକାଟି ନିର୍ମମ ହତ୍ୟା କରିଥିଲେ । ତାଙ୍କର ସମ୍ପର୍କୀୟ ପୀତାମ୍ବରଙ୍କ ଗତକାଲି ରାତିରେ ସନ୍ଦେହଜନକ ଭାବେ ମୃତ୍ୟୁ ହୋଇଛି । ତାଙ୍କ ମୃତଦେହ ଗତକାଲି ଉଦ୍ଧାର ହୋଇଥିବା ବେଳେ ସରପଂଚଙ୍କ ପରିବାର ଆହୁରି ଭୟଭୀତ ହୋଇପଡ଼ିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ସମୟରେ ମାଓବାଦୀଙ୍କ ଧମକଚମକ ରହୁଥିବାରୁ ସରପଂଚଙ୍କ ପରିବାର ପୁଲିିସ ଉପରୁ ଆସ୍ଥା ହରାଇ ନିଜ ସୁରକ୍ଷା ପାଇଁ ଗାଁ ଛାଡ଼ି ପଡ଼ୋଶୀ ଜିଲ୍ଲା କଳାହାଣ୍ଡି ଛାଡ଼ି ଚାଲିଯାଇଥିବା ସୂଚନା ରହିଛି । ଏଭଳି ଘଟଣା ଘଟିବା ପରେ ମଧ୍ୟ ଘଟଣା ସ୍ଥଳରେ ପୋଲିସ ନପହଂଚିବାରୁ ଗାଁଲୋକ ଭୟଭୀତ ହୋଇପଡ଼ିଛନ୍ତି । ସୂଚନା ଅନୁସାରେ ଏବେବି ଶହେରୁ ଅଧିକ ମାଓବାଦୀମାନେ ସେମାନଙ୍କ ଶକ୍ତି ବୃଦ୍ଧି ପାଇଁ ଜଙ୍ଗଲରେ ଘୁରି ବୁଲୁଛନ୍ତି ।