ରାଜ୍ୟରେ ଗୋଟିଏ ଦିନରେ ରେକର୍ଡ ସଂଖ୍ୟକ ୫୬୧ କରୋନା ଆକ୍ରାନ୍ତ ଚିହ୍ନଟ । ସତର୍କ କରାଇଲେ ସୁବ୍ରତ ବାଗଚୀ, କହିଲେ ଟାଇମ୍ ପାସ୍ ପାଇଁ ବାହାରକୁ ଗଲେ ହୋଇପାରେ ଲାଇଫ୍ ଫେଲ୍ ।

1,265

କନକ ବ୍ୟୁରୋ : ଓଡିଶାରେ ଗତ କିଛି ଦିନ ହେଲା ପ୍ରତ୍ୟେକ ଦିନ ଦେଢ଼ ଶହରୁ ଦୁଇ ଶହ ନୂଆ କରୋନା ଆକ୍ରାନ୍ତ ଚିହ୍ନଟ ହେଉଥିବାବେଳେ ଆଜି ସମସ୍ତେ ଚମକି ପଡିଥିଲେ । ଗୋଟିଏ ଦିନରେ ଆଜି ରାଜ୍ୟରେ ରେକର୍ଡ ସଂଖ୍ୟକ ୫୬୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ରାଜ୍ୟର ମୋଟ ଆକ୍ରାନ୍ତ ସଂଖ୍ୟା ୮ ହଜାର ଟପି ଯାଇଛି । ସେପଟେ ଆଜି ଦୁଇ ଜଣଙ୍କର ମୃତ୍ୟୁ ହେବା ସହ ରାଜ୍ୟର କରୋନା ଜନିତ ମୃତ୍ୟୁ ସଂଖ୍ୟା ୨୯ରେ ପହଁଚିଛି । ଅନ୍ୟପଟେ ଆଜି ଆଉ ୨୦୩ ଜଣ ସୁସ୍ଥ ହୋଇଛନ୍ତି । ସେପଟେ କୋଭିଡ୍ ପ୍ରବକ୍ତା ସୁବ୍ରତ ବାଗଚୀ କହିଛନ୍ତି, ଟାଇମ ପାସ୍ କରିବା ପାଇଁ ବାହାରକୁ ଗଲେ ଲାଇଫ୍ ଫେଲ୍ ହୋଇଯିବ ।

ଗୋଟିଏ ଦିନରେ ୫୬୧ ନୂଆ କରୋନା ଆକ୍ରାନ୍ତ । କେବଳ ଗଂଜାମରେ ୨୮୩ ନୂଆ ଆକ୍ରାନ୍ତ । ବଦଳୁଛି ଓଡ଼ିଶାରେ କରୋନା ସ୍ଥିତି । ୨୪ ଘଂଟା ଭିତରେ ୫୬୧ କରୋନା ପଜିଟିଭ୍ ବାହାରିବା, ସମସ୍ତଙ୍କୁ ଚିନ୍ତାରେ ପକାଇ ଦେଇଛି । ନୂଆ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତ ସଂଖ୍ୟା ୮,୧୦୬ରେ ପହଞ୍ଚିଛି । ତେବେ ୫,୫୦୨ ସୁସ୍ଥ ହୋଇଥିବା ବେଳେ ୨ ହଜାର ୫୬୭ ସକ୍ରିୟ ରୋଗୀ ବିଭିନ୍ନ କୋଭିଡ ହସପିଟାଲରେ ଚିକିତ୍ସିତ ହେଉଛନ୍ତି । ଏବେ ସାବଧାନ ନରହିଲେ ପରିସ୍ଥିତି ଆହୁରି ବିଗିଡିଯିବ ବୋଲି ସତର୍କ କରାଇ ଦେଇଛନ୍ତି ରାଜ୍ୟ ସରକାର ।

ପ୍ରଥମ ୧ ହଜାର କରୋନା ଆକ୍ରାନ୍ତଙ୍କ ପାଇଁ ୬୪ ଦିନ ଲାଗିଥିବା ବେଳେ ଗତ ୩ ଦିନରେ ୧ ହଜାରରୁ ଅଧିକ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ନଜର ପକାନ୍ତୁ କିପରି ଦିନକୁ ଦିନ ରାଜ୍ୟରେ ବଢ଼ିଚାଲିଛି ଆକ୍ରାନ୍ତ ସଂଖ୍ୟା ।

ଓଡ଼ିଶାରେ କରୋନା ସ୍ଥିତି
୧ – ୧୦୦୦ — ୬୪ଦିନ
୧୦୦୦ – ୨୦୦୦ — ୧୨ଦିନ
୨୦୦୦ – ୩୦୦୦ — ୮ଦିନ
୩୦୦୦ – ୪୦୦୦ — ୭ଦିନ
୪୦୦୦ – ୫୦୦୦ — ୬ଦିନ
୫୦୦୦ – ୬୦୦୦ — ୬ଦିନ
୬୦୦୦ – ୭୦୦୦ — ୪ଦିନ
୭୦୦୦ – ୮୦୦୦ — ୩ଦିନ

ଘର ଘର ବୁଲି ଯାଂଚ କାର୍ଯ୍ୟ ଜୁଲାଇ ୩୧ ପର୍ଯ୍ୟନ୍ତ ଜାରି ରହିବ । ଲକ୍ଷଣ ଥିଲେ ନ ଲୁଚାଇବା ପାଇଁ ଲୋକଙ୍କୁ ନିବେଦନ କରିଛନ୍ତି ସରକାର । ତେବେ ଗତ ୨୪ ଘଂଟା ଭିତରେ ୨ ଜଣଙ୍କ ମୃତ୍ୟୁକୁ ମିଶାଇ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୨୯ରେ ପହଚିଂଛି । ଦୁଇ ଜଣ ଯାକ ମୃତକ ଗଂଜାମ ଜିଲ୍ଲାର ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.