କରୋନା ମୃତ୍ୟୁର ଅଲୋଡ଼ା ରେକର୍ଡ : ଗୋଟିଏ ଦିନରେ ସର୍ବାଧିକ ୩୭ ମୃତ
କନକ ବ୍ୟୁରୋ : ରାଜ୍ୟରେ କରୋନା ମୃତ୍ୟୁ ଅଲୋଡା ରେକର୍ଡ । ୨୪ ଘଂଟାରେ କରୋନାରେ ଆଖି ବୁଜିଲେ ୩୭ଜଣ । ସେହିପରି ରାଜ୍ୟରେ ସାମାନ୍ୟ ବଢ଼ିଲା ପଜିଟିଭ ହାର । ରାଜ୍ୟରେ ପୁଣି ୮ ହଜାର ୭୩୫ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂଗରୋଧରୁ ୪୮୯୨ ଜଣ ଥିବା ବେଳେ ସ୍ଥାନୀୟ ସଂଗରୋଧରୁ ୩୮୪୩ ଆକ୍ରାନ୍ତ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖୋର୍ଦ୍ଧାରୁ ସର୍ବାଧିକ ୧୨୨୨ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୬୭୩, ବାଲେଶ୍ୱରରୁ ୫୬୬, ଢ଼େଙ୍କାନାଳ ୫୦୩, ଅନୁଗୁଳରୁ ୪୫୬, ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ଦୈନିକ ସଂକ୍ରମଣକୁ ମିଶାଇ ମୋଟ ସଂକ୍ରମଣ ୭ଲକ୍ଷ ୭୩ ହଜାର ୭୩୨ ରହିଛି । ସେଥିରୁ ସୁସ୍ଥ ହୋଇଛନ୍ତି ୬ଲକ୍ଷ ୮୦ ହଜାର ୯୩୨ଜଣ । ଏବେବି ରାଜ୍ୟରେ କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି ୮୯ ହଜାର ୯୫୬ଜଣ । ଗତକାଲି ୬୨ ହଜାର ୨୯୩ ନମୁନା ପରୀକ୍ଷା ହୋଇଛି । ପଜିଟିଭ ହାର ୧୪ ଦଶମିକ ୦୨ ପ୍ରତିଶତ ରହିଛି ।