ଭୁବନେଶ୍ୱରକୁ ସାଲିଆ ସାହି ଚିନ୍ତା: ବସ୍ତିର ୮ଟି ପକେଟରେ ବ୍ୟାପୁଛି କରୋନା; ବାହାରୁ ଆସୁଥିବା ଶ୍ରମିକଙ୍କ ଯୋଗୁଁ ସଂକ୍ରମଣ ବଢ଼ୁଥିବା ସୂଚନା
କନକ ବ୍ୟୁରୋ: ଭୁବନେଶ୍ୱର ସାଲିଆ ସାହି ବସ୍ତି ଏବେ ମୁଣ୍ଡ ବିନ୍ଧାର କାରଣ ପାଲଟିଛି । କାରଣ ଏହି ବସ୍ତିରେ ବଢୁଛି ସଂକ୍ରମଣ । ସୁତ୍ରରୁ ମିଳିଥିବା ସୂଚନା ଅନୁସାରେ ରାଜଧାନୀରେ ଥିବା ସମସ୍ତ ବସ୍ତିରୁ ଏଯାଏଁ ୮୦୦ଟିୁ କୋଭିଡ ପଜିଟିଭ ମାମଲା ସାମନାକୁ ଆସିଛି । ଆଉ ଏହି ୮୦୦ ସଂକ୍ରମଣ ମଧ୍ୟରୁ ସାଲିଆ ସାହିରେ ସଂକ୍ରମଣ ହାର ସବୁଠାରୁ ଅଧିକ ରହିଛି । ଏଯାଏଁ ୩୪ଟି ପଜିଟିଭ କେସ କେବଳ ସାଲିଆ ସାହି ବସ୍ତିରୁ ବାହାରିଛି । ଏହା ପଛକୁ ରହିଛି ନୟାପଲ୍ଲୀର ତ୍ରିନାଥ ବସ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନା ଭୂତାଣୁ ୧୦୯ଟି ବସ୍ତିରେ ଆକ୍ରାନ୍ତ କରିଥିବା ବେଳେ କେବଳ ସାଲିଆ ସାହି ବସ୍ତିର ୮ଟି ପକେଟରେ ବ୍ୟାପିଛି । ବିଏମସି ସୁତ୍ରରୁ ମିଳିଥିବା ସୂଚନା ଅନୁସାରେ ସାଲିଆ ସାହି ବସ୍ତିରେ ବାହାରୁ ଆସୁଥିବା ଶ୍ରମିକମାନେ ରହୁଥିବାରୁ ଏଠାରେ ସଂକ୍ରମଣ ବଢୁଥିବା ଦେଖିବାକୁ ମିଳୁଛି । ବରିଷ୍ଠ ଡାକ୍ତରଙ୍କ କହିବା ହେଲା, ବସ୍ତି ଅଂଚଳରେ ଲୋକମାନେ କୋଭିଡ ନିୟମକୁ କଡାକଡି ଭାବେ ପାଳନ କରୁନଥିବାରୁ ସଂକ୍ରମଣ ହାର ଦିନକୁ ଦିନ ବଢିବାରେ ଲାଗିଛି । ଯାହାର ଉଦାହରଣ ହେଉଛି ସାଲିଆ ସାହି ବସ୍ତି ।