ସରକାରଙ୍କ ବିଚିତ୍ର ନୀତି : ସ୍କୁଲ ବନ୍ଦ କରି ଆନ୍ଦୋଳନକୁ ଆସିଲେ ଶିକ୍ଷକ; ସାମୂହିକ କାର୍ଯ୍ୟବନ୍ଦ ପାଇଁ ସରକାର ଘୋଷଣା କଲେ ଛୁଟି
କନକ ବ୍ୟୁରୋ : ସରକାରଙ୍କ ବିଚତ୍ର ନୀତି । ଆନ୍ଦୋଳନରେ ସାମିଲ ଥିବା ଶିକ୍ଷକଙ୍କ ଅନୁପସ୍ଥିତିକୁ ଛୁଟି ବୋଲି ଗଣନା କରାଯିବ । ସମୂହ ଅନୁପସ୍ଥିତିକୁ ଛୁଟିରେ ଗଣନା କରିବାକୁ ପ୍ରାଥମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ସମସ୍ତ ଜିଲ୍ଲା ଶିକ୍ଷା ଅଧିକାରୀ ଓ ବ୍ଲକ ଶିକ୍ଷା ଅଧିକାରୀଙ୍କୁ କୁହାଯାଇଛି । ପାର୍ଟ ଟାଇମ୍ ଇନଷ୍ଟ୍ରକଟର ଥିବା କଳା ଓ କ୍ରୀଡା ଶିକ୍ଷକଙ୍କ କ୍ଲାସ ଗୁଡିକୁ ଆସନ୍ତା ମାସ ଗୁଡ଼କରେ ଭରଣା କରିବାକୁ ପରାମର୍ଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ସେପ୍ଟେମର ୮ରୁ ୧୮ ତାରିଖ ପର୍ଯ୍ୟନ୍ତ ପ୍ରାଥମିକ ଶିକ୍ଷକମାନେ ସମୂହ ଛୁଟିରେ ରହିବା ସହ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ । ପାଠ ପଢାଇନଥିଲେ କି ସ୍କୁଲ ମଧ୍ୟ ଯାଇନଥିଲେ । ଯାହା ଫଳରେ ପିଲାଙ୍କ ପାଠ ପଢା ମଧ୍ୟ ପ୍ରଭାବିତ ହୋଇଥିଲା । ରାଜ୍ୟ ସରକାରଙ୍କ ପକ୍ଷରୁ ଆନ୍ଦୋଳନରତ ଶିକ୍ଷକଙ୍କୁ ନାଲି ଆଖି ଦେଖାଯାଇଥିଲା ।
ଯେତେଦିନ ଶିକ୍ଷକମାନେ ଛୁଟିରେ ରହିବେ, ତାହାକୁ ପରବର୍ତ୍ତୀ ଶିକ୍ଷାବର୍ଷରେ ଗଣାନା କରାଯିବ ବୋଲି କୁହାଯାଇଥିଲା । ଏହା ପରେ ବି ଶିକ୍ଷକମାନେ ଆନ୍ଦୋଳନରୁ ହଟିନଥିଲେ । ପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ଆଲୋଚନା ପରେ ଶିକ୍ଷକସଂଘ ମାନେ ଆନ୍ଦୋଳନ ସ୍ଥଗିତ ରଖିବା ସହ ସ୍କୁଲକୁ ଫେରିଛନ୍ତି ।