ସିରିଏଲ କିଲରର ସୁରାକ ପାଇଛି ପୋଲିସ । ଖୁବଶୀଘ୍ର ଧରାପଡିବ ସିଲଭର ସିଟିର ସାଇକୋ କିଲର

କନକ ବ୍ୟୁରୋ: ପୋଲିସକୁ ମିଳିଛି ସାଇକୋ କିଲର ସୁରାକ । ସିଲଭର ସିଟିରେ ସିରିଏଲ ମର୍ଡର କରିଥିବା ସାଇକୋ କିଲରର ସୁରାକ ପାଇଛି ପୋଲିସ । ୨୪ ଘଣ୍ଟାରେ ତିନି ତିନି ଜଣଙ୍କୁ ହତ୍ୟା କରିଥିବା ସାଇକୋ କିଲରର ସୁରାକ ମିଳିଥିବା ନେଇ ସୂଚନା ଦେଲେ ପୋଲିସ କମିଶନର । ହତ୍ୟାକାରୀକୁ ଧରିବାକୁ ପୋଲିସ ପୂରା ଉଦ୍ୟମ ଚଳାଇଛି ବୋଲି ସିପି କହିଛନ୍ତି ।

ତେବେ ସନ୍ଦିଗ୍ଧ ହତ୍ୟାକାରୀ ଜଣଙ୍କ ସାଇକିଆଟ୍ରିକ ରୋଗରେ ପିଡିତ ଥିବା ସୂଚନା ମିଳିଛି । ଉକ୍ତ ବ୍ୟକ୍ତି ଜଣକ ଗତ କିଛି ଦିନ ପୂର୍ବେ ଏସସିବିରେ ଚିକିତ୍ସା ହେଉଥିଲେ ବୋଲି ଖବର ମିଳିଛି ।

ଗତ କିଛି ଦିନ ହେବ କଟକରେ ନିଦ ହଜାଇ ଦେଇଛି ଷ୍ଟୋନମ୍ୟାନର ଆତଙ୍କ । ରାତିରେ ବାହାରେ ଶୋଉଥିବା ନିରାଶ୍ରୟୀଙ୍କୁ ହତ୍ୟା କରୁଛି ଏହି ଷ୍ଟୋନମ୍ୟାନ । ସମାନ ଢଙ୍ଗରେ ସମସ୍ତଙ୍କୁ ହତ୍ୟା କରୁଛି । ପଥରରେ ଛେଚି, ଗଳା କାଟି ହତ୍ୟା କରୁଛି । ତେବେ ହତ୍ୟାକାରୀକୁ ଧରିବାକୁ ସାରା ସହରରେ ରାତିରେ ପଇଁତରା ମାରୁଛି ପୋଲିସ ।