କନକ ବ୍ୟୁରୋ : ରାଜ୍ୟରେ ଧିରେ ଧିରେ ସଂକ୍ରମଣ ହାର କମୁଛି । ଟିକାକରଣ ମଧ୍ୟ ସେହି ପରିମାଣରେ ଜୋରଦାର ଚାଲିଛି । କରୋନା ଚେନକୁ ଭାଙ୍ଗିବା ପାଇଁ ଲକଡାଉନ୍ କଟକଣା କଡାକଡି ଭାବେ ପାଳନ ହେଉଛି । ତେବେ ସଂକ୍ରମଣ କମିବା ପରେ ଅନ୍ୟ ରାଜ୍ୟଗୁଡିକ ତାଲାବନ୍ଦ କଟକଣାକୁ ହଟାଇବାକୁ ନିସ୍ପତ୍ତି ନେଇଛନ୍ତି । ସେହି କ୍ରମରେ ଓଡିଶାରେ ସଂକ୍ରମଣ ହାର କମୁଥିବାରୁ ଲକଡାଉନ୍ ରଜ ପରେ ହଟିବ କି ନାହିଁ ଲୋକଙ୍କ ମନରେ ପ୍ରଶ୍ନ ଉପୁଜିଛି ।
Kanak News is now on WhatsApp
Join and get latest news updates delivered to you via WhatsApp
ସଂକ୍ରମଣ ସ୍ଥିତି ନିୟନ୍ତ୍ରଣକୁ ଆସିବା ପରେ ସୋମବାରଠାରୁ ପର୍ଯ୍ୟାୟକ୍ରମେ କଟକଣା କୋହଳ କରିବାକୁ ନିଷ୍ପତି ନେଇଛନ୍ତି ଦିଲ୍ଲୀ ସରକାର । ଆସନ୍ତା ସୋମବାରଠୁ ଦିଲ୍ଲୀର ଦୋକାନ ବଜାର ଓ ମଲ ଖୋଲିବାକୁ ଯାଉଛି । ଅଡ-ଇଭେନ ଫର୍ମୂଲାରେ ସକାଳ ୧୦ଟାରୁ ରାତି ୮ଟା ଯାଏଁ ଦୋକାନ ବଜାର ଖୋଲିବ ।
ସେହିପରି ୫୦ ପ୍ରତିଶତ ଯାତ୍ରୀଙ୍କୁ ନେଇ ମେଟ୍ରୋ ଟ୍ରେନ ଚଳା ଚଳ କରିବାକୁ ଅନୁମତି ଦେଇଛନ୍ତି ରାଜ୍ୟ ସରକାର । ଆଗକୁ ସ୍ଥିତିରେ ସୁଧାର ଆସିଲେ ଆହୁରି କଟକଣା କୋହଳ କରାଯିବ ବୋଲି କହିଛନ୍ତି ଅରବିନ୍ଦ କେଜ୍ରିୱାଲ । ସେହିପରି ମହାରାଷ୍ଟ୍ରରେ ସଂକ୍ରମଣ କମୁଥିବାରୁ ୫ଟି ପର୍ଯ୍ୟାୟରେ ଲକଡାଉନ ହଟାଇବାକୁ ନିଷ୍ପତି ନେଇଛନ୍ତି ଉଦ୍ଧବ ସରକାର । ତାମିଲନାଡୁ ସରକାର ମଧ୍ୟ ସର୍ତମୂଳକ ଭାବେ କଟକଣା କୋହଳ କରିବାକୁ ଘୋଷଣା କରିଛନ୍ତି । ତେବେ ଓଡିଶାରେ କେବେ କଟକଣା ହଟିବ ସେ ନେଇ କୌଣସି ସୂଚନା ମିଳିନାହିଁ । କାରଣ ଏବେବି ରାଜ୍ୟରେ ସଂକ୍ରମଣ ହାର ଅଧିକ ରହିଛି । ତେବେ ରଜ ପରେ ଲକଡାଉନ ହଟିବ କି ନାହିଁ ତାକୁ ନେଇ ଜୋର ଧରିଛି ଚର୍ଚ୍ଚା ।