କନକ ବ୍ୟୁରୋ: ଆଜିଠୁ ଦ୍ୱିତୀୟ ପର୍ଯ୍ୟାୟ ତାଲାବନ୍ଦ । ଜୁନ୍ ୧ ସକାଳ ୫ଟା ଯାଏଁ ବଳବତର ରହିବ କଟକଣା । ଏହାସହ ଆଜିଠାରୁ ବଦଳିଛି ଦୋକାନ ବଜାର ଖୋଲିବା ସମୟ । ନୂଆ ନିଷ୍ପତି ଅନୁସାରେ ସୋମବାରରୁ ଶୁକ୍ରବାର ୪ଘଂଟା କୋହଳ କରାଯାଇଛି କଟକଣା । ଅତ୍ୟାବଶ୍ୟକ ସାମଗ୍ରୀ କିଣାବିକା ପାଇଁ ସକାଳ ୭ଟାରୁ ୧୧ଟା ଯାଏଁ ଅନୁମତି ଦିଆଯାଇଛି । ୫ଶହ ମିଟର ଭିତରେ ଚାଲିଚାଲି ଯାଇ କିଣିପାରିବେ ଅତ୍ୟାବଶ୍ୟକ ସାମଗ୍ରୀ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାରଦିନ ମୁଖ୍ୟ ଶାସନ ସଚିବ ପ୍ରେସମିଟ୍ କରି କହିଛନ୍ତି, ଭିଡକୁ ନିୟନ୍ତ୍ରଣ କରିବା ବର୍ତମାନର ସବୁଠାରୁ ବଡ କାମ । ଏବଂ ଏଥିପାଇଁ ଲକଡାଉନ୍ ନିହାତି ଆବଶ୍ୟକ । ଓଡିଶାରେ ସଂକ୍ରମଣ ଏକ ପ୍ରକାର ସ୍ଥିର ରହିଛି । ପ୍ରାୟ ୨ ସପ୍ତାହ ହେଲାଣି, ସଂକ୍ରମଣ ପ୍ରାୟ ୧୦ ହଜାର ଆଖପାଖରେ ରହୁଛି । ଏହାକୁ ବିଶେଷଜ୍ଞମାନେ ପ୍ଲାଟିଉ ସ୍ଥିତି ବୋଲି କହୁଛନ୍ତି । ବ୍ରତ, ଜନ୍ମଦିନ ଓ ଶୁଦ୍ଧିକ୍ରିୟାରେ ୨୦ଜଣଙ୍କୁ ଅନୁମତି ଦିଆଯାଇଛି । ପୂର୍ବରୁ ବିବାହ ଉତ୍ସବରେ ୫୦ଜଣଙ୍କୁ ଅନୁମତି ଥିବା ବେଳେ ଏହାକୁ କମାଇ ଦିଆଯାଇ ୨୫ଜଣଙ୍କୁ ଅନୁମତି ଦିଆଯିବ । ଏପରିକି ବିବାହରେ ହୋଇପାରିବନି ଭୋଜିର ଆୟୋଜନ । ବିବାହ, ବ୍ରତ ଓ ଶୁଦ୍ଧିକ୍ରିୟାରେ ମଧ୍ୟ ଭୋଜିଭାତ ମନା । କେବଳ ଖାଦ୍ୟ ପାର୍ସଲ ଦେଇପାରିବେ ଆୟୋଜକ ।