କରୋନା ହାରିବ ଓଡ଼ିଶା ଜିତିବ । କୋଭିଡକୁ ହରାଇବା ପାଇଁ ଅଣ୍ଟା ଭିଡ଼ିଲା ଓଡ଼ିଶା, ବିଶ୍ୱକୁ ନାକେଦମ୍ କରିଥିବା ଭୂତାଣୁର ପ୍ରତିରୋଧ ପାଇଁ ଗବେଷଣା ଆରମ୍ଭ କରିଛି ଓଡ଼ିଶା ।
କନକ ବ୍ୟୁରୋ: କରୋନା ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା ବେଳେ ଓଡିଶା କରୋନା ମୁକାବିଲା ପାଇଁ ଏକ ନୂଆ ସମ୍ଭାବନା ସହ ଆଗକୁ ବଢୁଛି । ଓଡିଶାରେ କରୋନା ଔଷଧ ତିଆରି କରିବା ନେଇ ଗବେଷଣା ଆରମ୍ଭ କରିଛି ଆଇଏଲଏସ ବା ଜୀବ ବିଜ୍ଞାନ ଅନୁଷ୍ଠାନ ଭୁବନେଶ୍ୱର । ଓଡିଶାର ବିଭିନ୍ନ ଜଙ୍ଗଲରେ ବହୁ ଔଷଧୀୟ ବୃକ୍ଷ ରହିଛି । ଏସବୁରୁ ଥଣ୍ଡା, କାଶ, ସର୍ଦ୍ଦି ପାଇଁ ଅନେକ ଔଷଧ ତିଆରି ହୋଇ ପାରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଣୁ ବର୍ତ୍ତମାନ ଏସବୁ ଔଷଧୀୟ ବୃକ୍ଷ ସହ ଆଇଏଲଏସ ଭୁବନେଶ୍ୱରରେ ଥିବା କିଛି ରାସାୟନିକ କମ୍ପାଉଣ୍ଡକୁ ନେଇ କରୋନ ଔଷଧ ତିଆରି ପାଇଁ ଗବେଷଣା ଆରମ୍ଭ ହୋଇଥିବା ଜଣା ପଡିଛି । ସେପଟେ କରୋନା ଟୀକା ନେଇ ବି ଓଡିଶାରେ ଗବେଷଣା ଆରମ୍ଭ ହୋଇଛି । ଏଥିପାଇଁ ଆନିମଲ ମଡେଲ ଉପରେ ଭୁବନେଶ୍ୱର ଜୀବ ବିଜ୍ଞାନ ଅନୁଷ୍ଠାନ କାମ କରୁଥିବା ନେଇ ସୂଚନା ଦିଆଯାଇଛି ।
ସବୁଠାରୁ ବଡ କଥା ହେଉଛି କରୋନାର ଗବେଷଣା ଭିତରେ ଜୁନ ଶେଷ ସୁଦ୍ଧା ଭୂତାଣୁର ପୁରା ଗତିବିଧି ଓ ସଂକ୍ରମଣର ଧାରା ଜଣାପଡିଯିବ ବୋଲି ଆଶା ରଖିଛନ୍ତି ଆଇଏଲଏସ ଭୁବନେଶ୍ୱରର ମୁଖ୍ୟ ଡକ୍ଟର ଅଜୟ ପରିଡା ।