ରଣଜୀ ଟ୍ରଫି କ୍ୱାର୍ଟର ଫାଇନାଲରେ ଓଡ଼ିଶା । ଝାଡ଼ଖଣ୍ଡ ବିପକ୍ଷରେ ମ୍ୟାଚ୍ ଡ୍ର କରି ହାସଲ କଲା କ୍ୱାର୍ଟର ଫାଇନାଲ୍ ଟିକେଟ୍ ।
କନକ ବ୍ୟୁରୋ : ରଣଜୀ ଟ୍ରଫି କ୍ୱାର୍ଟର ଫାଇନାଲରେ ଓଡ଼ିଶା । ଝାଡ଼ଖଣ୍ଡ ବିପକ୍ଷରେ ମ୍ୟାଚ୍ ଡ୍ର କରି କ୍ୱାର୍ଟର ଫାଇନାଲ୍ ଟିକେଟ୍ ହାସଲ କରିଛି ଓଡ଼ିଶା । ଶୁଭ୍ରାଂଶୁ ସେନାପତିଙ୍କ ନେତୃତ୍ୱରେ ଚଳିତ ସିଜିନରେ ଦଳ ମୋଟ୍ ୯ଟି ମ୍ୟାଚ୍ ଖେଳିଥିବା ବେଳେ ୫ଟି ମ୍ୟାଚରେ ବିଜୟ ହାସଲ କରିଛି । ସେହିପରି ୨ଟି ମ୍ୟାଚ୍ ଡ୍ର ଏବଂ ୨ଟି ମ୍ୟାଚରେ ପରାଜିତ ହୋଇଛି ଓଡ଼ିଶା ।
Kanak News is now on WhatsApp
Join and get latest news updates delivered to you via WhatsApp
ଏଲିଟ୍ ଗ୍ରୁପ ସି’ରୁ ଓଡ଼ିଶା କ୍ୱାର୍ଟର ଫାଇନାଲକୁ ପ୍ରବେଶ କରିଥିବା ବେଳେ ଅନ୍ୟ ଦଳ ଭାବେ ଜାମ୍ମୁକାଶ୍ମୀର ମଧ୍ୟ କ୍ୱାର୍ଟର ଫାଇନାଲରେ ଏଣ୍ଟ୍ରିଂ କରିଛି । ଝାଡଖଣ୍ଡ ବିପକ୍ଷରେ ଓଡ଼ିଶା ଖେଳିଥିବା ନିଜ ନବମ ମ୍ୟାଚରେ ଦମଦାର ପ୍ରଦର୍ଶନ କରିଛି ଦଳ । ପ୍ରଥମ ଇନିଂସରେ ଦେବାଶିଷ ସାମନ୍ତରାୟଙ୍କ ଦମଦାର ଶତକ ଏବଂ ଦ୍ୱିତୀୟ ଇନିଂସରେ ଅଧିନାୟକ ଶୁଭ୍ରାଂଶୁ ସେନାପତି ରୋମାଞ୍ଚକର ଶତକ ହାସଲ କରିଥିଲେ । ମ୍ୟାଚଟି ଡ୍ର ରହିଥିବା ବେଳେ ଦମଦାର ଶତକ ପାଇଁ ଦେବାଶିଷ ସାମନ୍ତରାୟଙ୍କୁ ମ୍ୟାଚର ଶ୍ରେଷ୍ଠ ଖେଳାଳୀ ବିବେଚିତ କରାଯାଇଛି ।