ଆମେରିକାରେ ଓଡିଶା ହ୍ୟାଣ୍ଡଲୁମ । କେନେଡି ସେଂଟରରେ ଫ୍ୟାସନ ଡିଜାଇନର ବିଭୁ ମହାପାତ୍ରଙ୍କ ଡିଜାଇନ୍ ।
କନକ ବ୍ୟୁରୋ: ଆମେରିକାର କେନେଡି ସେଂଟରରେ ସ୍ଥାନ ପାଇଲା ଓଡ଼ିଶାର ବୟନଶିଳ୍ପ । ଓଡ଼ିଆ ଫ୍ୟାସନ ଡିଜାଇନର ବିଭୁ ମହାପାତ୍ରଙ୍କ ଡିଜାଇନ୍ ଆମେରିକା ୱାଶିଂଟନ୍ରେ ଥିବା କେନେଡି ସେଂଟରରେ ସ୍ଥାନ ପାଇଛି । ଫ୍ୟାସନ୍ ଓ କଷ୍ଟ୍ୟୁମ୍ ଡିଜାଇନ୍କୁ ନେଇ ଗୋଟିଏ ସପ୍ତାହରେ ଆମେରିକାରେ ଦୁଇଟି କାର୍ଯ୍ୟକ୍ରମ ହୋଇଥିଲା । ପ୍ରଥମଟି ଏକ ସିନେମାଟିକ୍ ରନ୍ୱେ ସୋ’ ଓ ଅନ୍ୟଟି ନଭେମ୍ବର ୬ ତାରିଖରେ ୱାଶିଂଟନ ନେସନାଲ ଅପେରା କନ୍ସର୍ଟରେ ପ୍ରଦର୍ଶିତ ହୋଇଥିଲା । ଏଥିପାଇଁ ଫ୍ୟାସନ ଡିଜାଇନର ବିଭୁ ମହାପାତ୍ର ପୋଷାକ ତିଆରି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାର ବୟନ ଶିଳ୍ପକୁ ଆମେରିକାରେ ସ୍ଥାନ ଦେଇଥିବାରୁ ବିଭୁ ମହାପାତ୍ରଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହା ଦ୍ୱାରା ଓଡ଼ିଶାର ବୟନ ଶିଳ୍ପ ଅଧିକ ଲୋକପ୍ରିୟ ହେବା ସହ ବିଶ୍ୱସ୍ତରରେ ପହଂଚିପାରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।