‘ଫୋନି’ ନେଇ ରାଜ୍ୟ ସରକାରଙ୍କ ପ୍ରସ୍ତୁତି । ୯ ଜିଲ୍ଲା ପାଇଁ ୧୨ ଆଇଏଏସଙ୍କୁ ଦିଆଗଲା ଦାୟିତ୍ୱ
ବାତ୍ୟାରେ ଅତ୍ୟଧିକ ବର୍ଷା ଯୋଗୁଁ ୨ ଜିଲ୍ଲା ଗଂଜାମ ଓ ପୁରୀରେ ବନ୍ୟା ସ୍ଥିତି ଉପୁଜିବାନେଇ ଆଶଙ୍କା
କନକ ବ୍ୟୁରୋ: ବାତ୍ୟା ଫୋନିକୁ ନେଇ ବ୍ୟାପକ ପ୍ରସ୍ତୁତି କରିଛନ୍ତି ରାଜ୍ୟ ସରକାର । ବାତ୍ୟା ସ୍ଛଳଭାଗ ଛୁଇଁବା ପରେ ଯେଉଁ ସବୁ ଜିଲ୍ଲା ସବୁଠାରୁ ଅଧିକ ପ୍ରଭାବିତ ହେ ସେହି ଜିଲ୍ଲାର ସୁରକ୍ଷା ଉପରେ ବିଶେଷ ଗୁରୁତ୍ୱ ଦିଆଯାଇଛି । ଏଥିପାଇଁ ୧୨ ଜଣ ଆଇଏଏସ ଅଧିକାରୀଙ୍କୁ ପ୍ରଭାବିତ ହେବାକୁ ଥିବା ଜିଲ୍ଲାର ଦାୟିତ୍ୱ ଦେଇଛନ୍ତି ରାଜ୍ୟ ସରକାର ।
Kanak News is now on WhatsApp
Join and get latest news updates delivered to you via WhatsApp
ପୁରୀ ଦାୟିତ୍ୱରେ ଅଛନ୍ତି ଶ୍ରୀ ସୁରେଶ ଚନ୍ଦ୍ର ମହାପାତ୍ର, ସେହିଭଳି ଜଗତସିଂହପୁରର ସ୍ଥିତି ଉପରେ ନଜର ରଖିବେ ଆଇଏଏସ ଅଧିକାରୀ ଶ୍ରୀ ଶାଶ୍ୱତ ମିଶ୍ର । ସେହିଭଳି ଆଉ ଦୁଇ ଜଣ ଆଇଏଏସ ଅଧିକାରୀ କେନ୍ଦ୍ରାପଡାର ସ୍ଥିତି ଅନୁଧ୍ୟାନ କରିବେ । ଶ୍ରୀ ପ୍ରଦୀପ କୁମାର ଜେନା ଏବଂ ଶ୍ରୀ ହେମନ୍ତ କୁମାର ପାଢୀ କେନ୍ଦ୍ରାପଡା ଉପରେ ନଜର ରଖିବେ । ଭଦ୍ରକ ପାଇଁ ଶ୍ରୀ ସୁଦର୍ଶନ ପାଲ ଠାକୁରଙ୍କୁ ଦାୟିତ୍ୱ ଦିଆଯାଇଛି । ସେହିଭଳି ବାଣିଜ୍ୟର ପେଣ୍ଠସ୍ଥଳି କଟକର ସ୍ଥିତି ତଦାରଖ କରିବେ ଶ୍ରୀ ସଂଜିବ ଚୋପ୍ରା ଓ ଶ୍ରୀ ସଂଗ୍ରାମଜିତ୍ ନାୟକ । ସଂଗ୍ରାମଜିତ୍ ସିଏମସିର କାର୍ଯ୍ୟକ୍ରମ ଉପରେ ନଜର ରଖିବେ ।
ଖୋର୍ଧା ପାଇଁ ଶ୍ରୀ କ୍ରିଷ୍ଣ କୁମାରଙ୍କୁ ଦାୟିତ୍ୱ ଦିଆଯାଇଛି । ଯାଜପୁର ପାଇଁ ଶ୍ରୀ ଅନୀଲ କୁମାର ସାମଲଙ୍କୁ ଦାୟିତ୍ୱ ଦେଇଛନ୍ତି ରାଜ୍ୟ ସରକାର । ସେହିଭଳି ଉପକୂଳବର୍ତ୍ତୀ ବାଲେଶ୍ୱର ଜିଲ୍ଲାରେ ଫୋନି ମୁକାବିଲା ପାଇଁ କରାଯାଉଥିବା ପ୍ରସ୍ତୁତିର ତଦାରଖ କରିବେ ୨ ଜଣ ଆଇଏଏସ ଅଫିସର । ଶ୍ରୀ ଅବଦଲ ଅକଟର ଏବଂ ଶ୍ରୀ ପ୍ରେମ ଚନ୍ଦ୍ର ଚୌଧୂରୀ । ତେବେ ଭୁବନେଶ୍ୱର ଏସଆରସି ଅଫିସରେ ଅତିରିକ୍ତ ଅଫିସରରେ ଭାବେ ଦାୟିତ୍ୱ ତୁଲାଇବେ ମୋନିସା ବାନାର୍ଜି । ଏହି ୧୨ ଜଣ ଆଇଏଏସ ଅଧିକାରୀ ଜିଲ୍ଲାମାନଙ୍କରେ ରିଲିଫ, ପ୍ରଭାବିତ ଆଶଙ୍କାରେ ଥିବା ଲୋକଙ୍କ ସ୍ଥାନାନ୍ତର ଓ ପୁନଃଥଇଥାନ ଉପରେ ନଜର ରଖିବେ ।