ଶ୍ୱାସରେ କଷ୍ଟ ଭୋଗୁୁଥିବା ସବୁ ରୋଗୀଙ୍କ ତଥ୍ୟ ଦିଅ… ସରକାରୀ ଓ ବେସରକାରୀ ହସ୍ପିଟାଲକୁ ସରକାରଙ୍କ କଡା ନିର୍ଦ୍ଦେଶ । ଖିଲାପ କଲେ ସିଲ୍ ହେବ ହସ୍ପିଟାଲ, ବାଜ୍ୟାପ୍ତ ହେବ ଲାଇସେନ୍ସ ।
କନକ ବ୍ୟୁରୋ: ଶ୍ୱାସରେ କଷ୍ଟ ପାଉଥିବା ରୋଗୀଙ୍କ ତଥ୍ୟ ଦେବାକୁ ସବୁ ହସ୍ପିଟାଲକୁ ନିର୍ଦ୍ଦେଶ ଦେଲେ ସରକାର । ରାଜ୍ୟର ସବୁ ସରକାରୀ ଓ ବେସରକାରୀ ହସ୍ପିଟାଲକୁ ରାଜ୍ୟ ସରକାରଙ୍କ ନିର୍ଦ୍ଦେଶ । କୌଣସି ହସ୍ପିଟାଲରେ ଯଦି କେହି ଶ୍ୱାସରେ କଷ୍ଟ ଅନୁଭକ କରୁଥିବା ରୋଗୀ ଥାଆନ୍ତି ତେବେ ତାଙ୍କ ସବିଶେଷ ତଥ୍ୟ ତୁରନ୍ତ ସରକାରଙ୍କୁ ଜଣାନ୍ତୁ । ଆଉ ନିର୍ଦ୍ଦେଶ ପରେ ଯଦି କେହି ଖିଲାପ କରେ ତେବେ ହସ୍ପିଟାଲ ସିଲ୍ ହେବ । ତା ସହ ଲାଇସେନ୍ସ ବାଜ୍ୟାପ୍ତ ହେବ ବୋଲି ସୁବ୍ରତ ବାଗଚୀ କଡା ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ସାମ୍ବାଦିକ ସମ୍ମିଳନୀରେ କରୋନା ନେଇ ସୂଚନା ଦେଉଥିବା ବେଳେ ନିଜାମୁଦ୍ଦିନ ଫେରନ୍ତାଙ୍କ ଉପରେ ଅଧିକ ଗୁରୁତ୍ୱ ଦେଇଥିଲେ ସୁବ୍ରତ । ନିଜାମୁଦ୍ଦିନ ଫେରନ୍ତାଙ୍କୁ ନିବେଦନ କରି କହିଥିଲେ କି ୨୪ ଘଣ୍ଟାରେ ନିର୍ଭୟରେ ଆଗେଇ ଆସି ନିଜର ସବୁ ତଥ୍ୟ ସରକାରଙ୍କୁ ଦେବାକୁ । ଏହି ସମୟ ଲୁଚାଛପାର ସମୟ ନୁହେଁ ତେଣୁ ପୂରା ମାନବ ଜାତି ପାଇଁ ଏହି ସମୟ ଆଶଙ୍କାର ସମୟ ହୋଇଥିବାରୁ ଆପଣମାନେ ଆଗେଇ ଆସି ନିଜ ବାବଦରେ ଜଣାନ୍ତୁ ବୋଲି ବାଗଚୀ କହିଛନ୍ତି ।
ସେପଟେ ତବଲିଗି ଜମାତରୁ ଫେରିଥିବା ୨୮ଜଣଙ୍କୁ ରାଜ୍ୟ ସରକାର ଯୋଗାଯୋଗ କରିଛନ୍ତି । ଏମାନଙ୍କ ନମୂନା ପରୀକ୍ଷା ପାଇଁ ପଠାଯାଇଥିଲା । ସେଥିରୁ ୨୫ଟି ନମୂନା ନେଗେଟିଭ ଆସିଥିବା ବେଳେ ୩ ଜଣଙ୍କ ପଜିଟିଭ ଆସିଛି । ଏହି ୩ଜଣଙ୍କ ମଧ୍ୟରୁ ଜଣେ ଯାଜପୁୁର ଅଂଚଳର, ଜଣେ କଟକ ଅଚଂଳର ଏବଂ ଜଣେ ପୁରୀର ବୋଲି ଜଣାପଡିଛି । ତବଲିଗି ଜମାତରୁ ଫେରିଥିବା ଲୋକେ ତୁରନ୍ତ ୧୦୪କୁ ଯୋଗେଯାଗ କରି ରାଜ୍ୟ ସରକାରଙ୍କୁ ସୂଚନା ଦିଅନ୍ତୁ । ଦରକାର ପଡିଲେ ସରକାର ଆପଣଙ୍କ ସମସ୍ତ ଚିକିତ୍ସା ବିନା ଖର୍ଚ୍ଚରେ କରିବେ ବୋଲି ସୁବ୍ରତ ସାମ୍ବାଦିକ ସମ୍ମିଳନୀରେ କହିଛନ୍ତି ।