ବଢିଲା କ୍ୱାରେଣ୍ଟାଇନ ଅବଧି । ଏଣିକି ୧୪ ଦିନ ନୁହେଁ ୨୮ ଦିନିଆ କ୍ୱାରେଣ୍ଟାଇନ । ୨୧ ଦିନ ସରକାରୀ ସଙ୍ଗରୋଧ କେନ୍ଦ୍ରରେ, ୭ ଦିନ ଘରେ ରହି ପାଳିବେ ନିୟମ । ସରକାର ଜାରି କଲେ ନୂଆ ନିର୍ଦ୍ଦେଶାବଳୀ
କନକ ବ୍ୟୁରୋ: ବଢିଲା କ୍ୱାରେଣ୍ଟାଇନ ଅବଧି । ୧୪ ଦିନ ନୁହେଁ ଏଣିକି ୨୮ ଦିନ ପାଳନ ହେବ କ୍ୱାରେଣ୍ଟାଇନ ନିୟମ । ସରକାରୀ ସଙ୍ଗରୋଧ କେନ୍ଦ୍ରରେ ୨୧ ଦିନ ରହିବାକୁ ପଡିବ । ଆଉ ୭ ଦିନ ଘରେ ରହି ନିୟମ ପାଳନ କରିବେ ବାହାରୁ ଫେରୁଥିବା ଲୋକେ । ତେବେ ୧୪ ଦିନ ବଦଳରେ ମୋଟ ୨୮ ଦିନ ସଙ୍ଗରୋଧରେ ରହିବା ପାଇଁ ସରକାରଙ୍କ ନୂଆ ନିର୍ଦ୍ଦେଶାବଳୀ ଜାରି କରିଛନ୍ତି ବୋଲି କୋଭିଡ୍ -୧୯ ମୁଖପାତ୍ର ସୁବ୍ରତ ବାଗଚୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ୨୮ ଦିନ ଭିତରେ କରୋନା ଲକ୍ଷଣ ଜଣାପଡିବାର ସମ୍ଭାବନା ଥିବାରୁ ସଙ୍ଗରୋଧ ଅବଧିକୁ ୧୪ ଦିନରୁ ୨୮ ଦିନକୁ ବଢାଗଲା । ତେବେ ସମସ୍ତେ ୨୮ ଦିନିଆ ସଙ୍ଗରୋଧ ନିୟମ ପାଳନ କରିବାକୁ ଅନୁରୋଧ କରିଛନ୍ତି ସୁବ୍ରତ ବାଗଚୀ ।
ସେପଟେ ସଙ୍ଗରୋଧ କେନ୍ଦ୍ରରେ ଏଣିକି କଟକଣା ଅଧ୍କ ହେବ । ସଙ୍ଗରୋଧ କେନ୍ଦ୍ରରେ ସାମାଜିକ ଦୂରତାକୁ କଡାକଡି ପାଳନ କରାଯିବ । ବ୍ୟକ୍ତିଗତ ପରିଚ୍ଛନ୍ନତା ଉପରେ ଅଧିକ ଗୁରୁତ୍ୱ ଦିଆଯିବ । ସଙ୍ଗରୋଧ କେନ୍ଦ୍ରରେ ଲାଗିବ ସିସିଟିଭି କ୍ୟାମେରା । ବାହାର ଓ ଭିତର ଲୋକଙ୍କ ଯାଆସ ଜାଣିବାକୁ ସିସିଟିଭି ଲାଗିବ ।
ସବୁଠାରୁ ବଡକଥା ହେଉଛି ସଙ୍ଗରୋଧ କେନ୍ଦ୍ର ଆଖପାଖରେ ୧୪୪ ଧାରି ଜାରି ହେବ । ବାହାର ଲୋକଙ୍କ ଯିବା ଆସିବା ଉପରେ କଟକଣା ଲଗାଇବାକୁ ୧୪୪ ଜାରି ହେବ । ସିସିଟିଭି କ୍ୟାମେରାରେ ବି ସମସ୍ତ ଗତିବିଧି ନଜର କରାଯିବ ବୋଲି ସୁବ୍ରତ ବାଗଚୀ କହିଛନ୍ତି ।