ଓଡ଼ିଶାରେ ‘କରୋନା’ ସତର୍କତା: ଚୀନରୁ ଭାରତକୁ ଡେଇଁଥିବା ‘କରୋନା’ ଭାଇରସ୍ ନେଇ ଓଡ଼ିଶାରେ କୋକୁଆ ଭୟ । ରାଜ୍ୟ ସରକାର ଜାରିକଲେ ଟୋଲ୍ ଫ୍ରି-ନମ୍ବର, ସଂକ୍ରମଣ ସୂଚନା ପାଇଲେ ସୂଚନା ଦେବାକୁ ଅନୁରୋଧ ।
କନକ ବ୍ୟୁରୋ: କରୋନା ଭାଇରସ୍ ନେଇ ସତର୍କ ରାଜ୍ୟ ସରକାର । ଜାରି କଲେ ଟୋଲ ଫ୍ରି ନମ୍ବର । କରୋନା ଭୂତାଣୁ ସଂକ୍ରମଣ ଜନିତ ସୂଚନା ପାଇଲେ ଟୋଲ ଫ୍ରି ନମ୍ବର -୦୬୭୪-୨୩୯୦୪୬୬, ୯୪୩୯୯୯୪୮୫୭ ଯୋଗାଯୋଗ କରିବାକୁ ଅନୁରୋଧ କରିଛନ୍ତି ରାଜ୍ୟ ସରକାର । ଏପରିକି ବିଭିନ୍ନ ରାଜ୍ୟରେ ଏହି ଭାଇରସ୍ ଆତଙ୍କ ଖେଳାଇଥିବା ବେଳେ, ଗତକାଲି ଏନେଇ ଆଡଭାଇଜରି ଜାରି କରିଥିଲେ ଓଡିଶା ସରକାର । କୋରୋନା ଭାଇରସକୁ ନେଇ ଯେପରି ରାଜ୍ୟରେ କେହି ସଂକ୍ରମିତ ନହୁଅନ୍ତି, ସେନେଇ ସତର୍କ ରହିବାକୁ ବିମାନ ବନ୍ଦର, ରେଳବାଇ କର୍ତୃପକ୍ଷ ଏବଂ ପାରାଦୀପ ବନ୍ଦରକୁ ନିର୍ଦ୍ଦେଶ ଦେଇଥିଲା ରାଜ୍ୟ ସ୍ୱାସ୍ଥ୍ୟ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଏହି ମାରାତ୍ମକ ଭାଇସରର ମୁକାବିଲା ପାଇଁ ଉପଯୁକ୍ତ ପରିମାଣରେ ଔଷଧ, ଏବଂ ଲୋକମାନଙ୍କୁ କିଭଳି ସଚେତନ କରାଯିବ ସେନେଇ ଆଡଭାଇଜରିରେ କୁହାଯାଉଛି । ବିଶେଷ କରି କେରଳ, ତେଲେଙ୍ଗାନା ଏବଂ ମହାରାଷ୍ଟ୍ରରେ ଏହି କୋରୋନା ଭାଇରସ ବ୍ୟାପିଥିବାର ଖବର ପରେ, କୋରୋନା କବଳରେ ଯେଭଳି ଓଡିଶା ନଆସୁ, ସେନେଇ ସଜାଗ ରହିଛନ୍ତି ରାଜ୍ୟ ସରକାର ।
ସେପଟେ ଚୀନର ବୁହାନ ସହରରୁ ଆରମ୍ଭ ହୋଇଥିବା ଏହି ଭାଇରସ ସଂକ୍ରମଣରେ ବର୍ତମାନ ସୁଦ୍ଧା ୫୬ଜଣ ଲୋକଙ୍କ ପ୍ରାଣହାନୀ ହୋଇଛି । ପ୍ରାୟ ଦୁଇ ହଜାରରୁ ଅଧିକ ଲୋକ ଏହି ଭାଇରସରେ ସଂକ୍ରମିତ ହୋଇଥିବା ଜଣାଡ଼ିଛି । ଚୀନ ବ୍ୟତିତ ଫ୍ରାନ୍ସ, ଅଷ୍ଟ୍ରେଲିଆ, ଥାଇଲାଣ୍ଡ, ଜାପନ, ଦକ୍ଷୀଣ କୋରିଆ, ଆମେରିକା, ଭିଏତନାମ, ସିଂଗାପୁର, ହଙ୍ଗକଙ୍ଗ, ନେପାଳ, ମକାଉ, ଏବଂ ତାଇୱାନରେ ଏହି ଭାଇରସର ପ୍ରବେଶ କରିସାରିଛି ।
ଚୀନରେ ଏହି ଭାଇରସ ସଂକ୍ରମଣ କ୍ଷିପ୍ର ବେଗରେ ମାଡୁଥିବାରୁ ଦୁଇଟି ସ୍ୱତନ୍ତ୍ର ହସ୍ପିଟାଲ ନିର୍ମାଣ ପାଇଁ ଘୋଷଣା କରାଯାଇଛି । ଚୀନର ବୁହାନ ସରକାର ୧୫ଦିନ ଭିତରେ ୧୩ଶହ ଶଯ୍ୟା ବିଶିଷ୍ଠ ହସ୍ପିଟାଲ ନିର୍ମାଣ ପାଇଁ ଘୋଷଣା କରିଛନ୍ତି । ସେପଟେ ଭାଇରସକୁ ନେଇ ସତର୍କ ଭାରତ ସରକାର । ବେଜିଂରେ ଥିବା ଭାରତୀୟ ଦୁତାବସକୁ ଟୁଇଟ କରିବା ସହ ସେଠାରେ ଥିବା ଭାରତୀୟମାନଙ୍କ ନିୟମିତ ସ୍ୱାସ୍ଥ୍ୟ ପରୀକ୍ଷା କରିବା ପାଇଁ ପରାମର୍ଶ ଦେଇଛନ୍ତି ଭାରତୀୟ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ।