କିଡନୀ ରୋଗୀଙ୍କ ସମସ୍ୟା ବଢାଇଲା କରୋନା କଟକଣା । କର କ୍ଲିନିକକୁ ଗସ୍ତ ଉପରେ ଲାଗିଛି ରୋକ । କେଉଁଠି କରିବେ ଡାଇଲିସିସ, ଚିନ୍ତାରେ ନିୟମିତ ରୋଗୀ
କନକ ବ୍ୟୁରୋ: ତୃତୀୟ କରୋନା ଆକ୍ରାନ୍ତ କର କ୍ଲିନିକ ଯାଇଥିବା ଜଣାପଡିବା ପରେ ଏଠାକୁ ରୋଗୀମାନଙ୍କ ଯିବା ନେଇ ବାରଣ କରାଯାଇଛି । କରୋନା ଭୂତାଣୁର ସଂକ୍ରମଣକୁ ଏଡାଇବା ପାଇଁ ଏଭଳି ପଦକ୍ଷେପ ନିଆଯାଇଥିବା ବେଳେ ଏହାକୁ କିଡନୀ ରୋଗୀଙ୍କ ସମସ୍ୟାକୁ ବଢାଇ ଦେଇଛି । ରାଜ୍ୟର ଏକ ପ୍ରମୁଖ ଘରୋଇ ହସ୍ପିଟାଲ କର କ୍ଲିନିକକୁ ପ୍ରାୟ ୩୫ରୁ ୪୦ କିଡନୀ ରୋଗୀ ନିମୟିତ ଡାଇଲିସିସ ପାଇଁ ଆସୁଥିବା ବେଳେ ସ୍ୱାସ୍ଥ୍ୟ ବିଭାଗର କଟକଣା ଏବେ ସେମାନଙ୍କ ପାଇଁ ବଡ ଅଡୁଆ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ଅବସ୍ଥା ଏମିତି ହୋଇଛି ଯେ, ଏମାନେ ନିୟମିତ କର କ୍ଲିନିକକୁ ଯାଉଥିବାରୁ ଅନ୍ୟ ଘରୋଇ ହସ୍ପିଟାଲ, ଡାଇଲିସିସ କରିବା ପାଇଁ ମନା କରିଦେଇଛନ୍ତି । ପରେ ଏମାନେ କ୍ୟାପିଟାଲ ହସ୍ପିଟାଲକୁ ଅନୁରୋଧ କରିଥିଲେ ମଧ୍ୟ ଏପର୍ଯ୍ୟନ୍ତ ଡାଇଲାସିସ ପାଇଁ ଅନୁମତି ମିଳିନାହିଁ । ତେଣୁ ପ୍ରଶାସନ ଏଥିରେ ହସ୍ତକ୍ଷେପ କରିବା ପାଇଁ ରୋଗୀମାନେ ଦାବି କରିଛନ୍ତି ।