କରୋନା ମୁକାବିଲାରେ ଓଡ଼ିଶା ଆଗୁଆ । କୋଭିଡ୍ ହସ୍ପିଟାଲ ଗୁଡ଼ିକରେ ୩ହଜାରରୁ ଅଧିକ ଶଯ୍ୟା ପ୍ରସ୍ତୁତ, କିନ୍ତୁ ୪୧ ସକ୍ରିୟ ଆକ୍ରାନ୍ତଙ୍କ ମଧ୍ୟରୁ ମାତ୍ର ୨ ଜଣଙ୍କୁ ଏହାର ଆବଶ୍ୟକତା ରହିଛି ।
କନକ ବ୍ୟୁରୋ: କରୋନା ମୁକାବିଲା କ୍ଷେତ୍ରରେ ଓଡ଼ିଶା ଅନେକ ଉଦାହରଣ ସୃଷ୍ଟି କରିଛି । କମ୍ ସମୟ ମଧ୍ୟରେ ଜନସ୍ୱାସ୍ଥ୍ୟ ସେବାରେ ଏତେ ବଡ଼ ଭିତ୍ତିଭୂମି ବ୍ୟବସ୍ଥା ଓଡ଼ିଶା ଇତିହାରେ ହୋଇନଥିଲା । ବର୍ତ୍ତମାନ ରାଜ୍ୟରେ କୋଭିଡ୍ ହସ୍ପିଟାଲ ଗୁଡ଼ିକରେ ୩ ହଜାରରୁ ଅଧିକ ବେଡ୍ ପ୍ରସ୍ତୁତ ରହିଥଛି । କିନ୍ତୁ ରାଜ୍ୟରେ ମାତ୍ର ୪୧ ସକ୍ରିୟ କରୋନା ଆକ୍ରାନ୍ତ ରହିଥିବାବେଳେ ସେମାନଙ୍କ ମଧ୍ୟରୁ ମାତ୍ର ଦୁଇ ଜଣଙ୍କୁ ହସ୍ପିଟାଲ ଆବଶ୍ୟକ । ଏପରିକି ଜଣକ ନମୂନା ନେଗେଟିଭ୍ ମଧ୍ୟ ଆସି ସାରିଛି କିନ୍ତୁ ତାଙ୍କ ଦେହରେ ଅନ୍ୟ ରୋଗ ଲକ୍ଷଣ ଥିବାରୁ ତାଙ୍କୁ ସମ୍ପୂର୍ଣ୍ଣ ସ୍ୱାସ୍ଥ୍ୟ ବୋଲି ଧରା ଯିବ ନାହିଁ ବୋଲି କହିଛନ୍ତି ଜାତୀୟ ସ୍ୱାସ୍ଥ୍ୟ ମିଶନ ନିର୍ଦ୍ଦେଶିକା ଶାଳିନୀ ପଣ୍ଡିତ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା, କଣ୍ଟେନମେଣ୍ଟ ଅଞ୍ଚଳରେ ଯଦି ଆପଣ ରହୁଛନ୍ତି ତେବେ ଦେହରେ ଲକ୍ଷଣ ଥାଉ କିନଥାଉ ଆପଣ ସ୍ୱଇଚ୍ଛାରେ କୋଭିଡ୍ ଟେଷ୍ଟ କରାନ୍ତୁ । କଣ୍ଟେନମେଣ୍ଟ କଟକଣା ଆପଣଙ୍କୁ କଷ୍ଟ ଦେଉଥିବ କିନ୍ତୁ ଏହା ଆପଣଙ୍କ ପରିବାର ଏବଂ ଆପଣଙ୍କ ପାଇଁ ଲାଭ ଦାୟକ । ତେବେ ପ୍ରତୀଦିନର ଲକଡାଉନ୍ ଆମକୁ ପ୍ରସ୍ତୁତି ପାଇଁ ସମୟ ଦେଉଛି । କୋଭିଡ୍ ହସ୍ପିଟାଲରେ ୩ ହଜାରରୁ ଉଦ୍ଧ୍ୱର୍ ଶଯ୍ୟା ପ୍ରସ୍ତୁତି ହୋଇ ରହିଥିବାବେଳେ ଆମେ ୪୧ ପଜିଟିଭ୍ ରେ ସୀମିତ ରହିଛୁ ।
ସେପଟେ ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର କହିଛନ୍ତି କି, ଅଧିକ ସଂଖ୍ୟକ ଆକ୍ରାନ୍ତ ଭୁବନେଶ୍ୱରରୁ ଚିହ୍ନଟ ହୋଇଥିବାରୁ ମୁଖ୍ୟମନ୍ତ୍ରୀ ଏହାକୁ ଗୁରୁତ୍ୱ ଦେଇଛନ୍ତି । ଏପରିକି ୬ଜଣ ବରିଷ୍ଠ ଆଇଏଏସ ଅଧିକାରୀଙ୍କୁ ୩ଟି ଜୋନର ଦାୟିତ୍ୱ ଦିଆଯାଇଛି । ସବୁ ମୁକାବିଲା ପାଇଁ ସରକାର ପ୍ରସ୍ତୁତ ରହିଥିବାବେଳେ କରୋନାକୁ ବନ୍ଦୀ କରି ରଖିଛନ୍ତି ଓଡ଼ିଶାବାସୀ । ଶୃଙ୍ଖଳା ଏବଂ ସଚେତନତା ପାଇଁ ହିଁ ଆମେ ଏକ ପରିବର୍ତ୍ତନଶୀଳ ଦିଗରେ ଆଗାଉଛୁ ବୋଲି କହିଛନ୍ତି ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ।