୨୧ ଦିନିଆ ତାଲାବନ୍ଦ ସରିବାକୁ ଆଉ ୩ ଦିନ ବାକି । ଲକଡାଉନ ଅବଧି ବୃଦ୍ଧି ପାଇଁ ସଙ୍କେତ ପରେ ଚିନ୍ତାରେ ଦିନ ମଜୁରିଆ, ଓଡିଶା ଜଙ୍ଗଲରେ ଫସିଛନ୍ତି ଛତିଶଗଡ ଶ୍ରମିକ ।
କନକ ବ୍ୟୁରୋ: ଦେଶରେ ୨୧ ଦିନିଆ ତାଲାବନ୍ଦ ସରିବାକୁ ଆଉ ୩ ଦିନ ବାକି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରି ମୁଖ୍ୟମନ୍ତ୍ରୀମାନେ ଲକ ଡାଉନ୍ ଅବଧି ବୃଦ୍ଧି କରିବାକୁ ସୁପାରିଶ କରିଛନ୍ତି । ଆଉ ଏହାରି ଭିତରେ ଖୋର୍ଦ୍ଧା ବାଲୁଗାଁରୁ ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି ଯାହା ଲକ ଡାଉନ ଅବଧି ବୃଦ୍ଧି ପୂର୍ବରୁ ସରକାର ଓ ପ୍ରଶାସନକୁ ଚିନ୍ତା କରିବା ପାଇଁ ବାଧ୍ୟ କରିବ ।
Kanak News is now on WhatsApp
Join and get latest news updates delivered to you via WhatsApp
ଖୋର୍ଦ୍ଧାର ହରିଚନ୍ଦନପୁର ଗାଁ ନିଟକ ଜଙ୍ଗଲ, ପ୍ରାୟ ୨୦ ଦିନ ହେବ ଛୋଟ ଛୋଟ ପିଲାଙ୍କୁ ଧରି ଏହି ଅଂଚଳରେ ରହୁଛନ୍ତି ଛତିଶଗଡର ଶ୍ରମିକ । ମିଳିଥିବା ସୂଚନା ଅନୁସାରେ, ଛତିଶଗଡର ପ୍ରାୟ ୪୦ ଶ୍ରମିକ ଆନ୍ଧ୍ରପ୍ରଦେଶରୁ କାମ ସାରି ନିଜ ରାଜ୍ୟ ଅଭିମୁଖେ ଯିବା ବେଳେ ଆରମ୍ଭ ହୋଇଥିଲା ଲକ ଡାଉନ୍ । ଫଳରେ ବାଲୁଗାଁ ଗଙ୍ଗାଧରପୁର ରେଳ ଷ୍ଟେସନରେ ଏମାନେ ଅଟକି ରହିଥିଲେ । ମାର୍ଚ୍ଚ ୨୦ ତାରିଖରେ ଦଳବଳ ହୋଇ ରାସ୍ତାରେ ଗଲା ବେଳେ କୁଲେଇ ପଂଚାୟତର ସରପଂଚ ପ୍ରଶନ୍ନ କୁମାର ପ୍ରଧାନ ଏମାନଙ୍କୁ ଯୋଗାଯୋଗ କରିଥିଲେ । ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ ଶ୍ରମିକଙ୍କୁ ନିଜ ଗାଁ ହରିଚନ୍ଦପୁରରେ ଥିବା ବାତ୍ୟା ଆଶ୍ରୟସ୍ଥଳୀରେ ରଖିଥିଲେ । ହେଲେ ଗାଁ ଲୋକେ ସେମାନଙ୍କ ବିରୋଧରେ ଅଭିଯୋଗ ଆଣିବାରୁ ଭୟରେ ଶ୍ରମିକ ଜଙ୍ଗଲକୁ ଚାଲି ଯାଇଛନ୍ତି ।