ବଲାଙ୍ଗୀର ଘରୋଇ ନର୍ସିଂ ହୋମ ସିଲ୍ । କୋଭିଡ୍-୧୯ ନିୟମ ଉଲ୍ଲଂଘନ ଅଭିଯୋଗରେ କାର୍ଯ୍ୟାନୁଷ୍ଠାନ, ନର୍ସିଂ ହୋମ ସିଲ କଲା ଟାଉନ ଥାନା ପୁଲିସ୍ ।
କନକ ବ୍ୟୁରୋ: ଓଡ଼ିଶା କରୁଛି କରୋନା ମୁକାବିଲା । ଆଉ ଏହି ସଙ୍କଟ ସମୟରେ ସମସ୍ତେ ଏକାଠି ହୋଇ ସରକାରଙ୍କ ପରାମର୍ଶକୁ ପାଳନ କରୁଥିବେଳେ ନିୟମ ଉଲ୍ଲଂଘନର ବଡ଼ ଘଟଣା ସାମ୍ନାକୁ ଆସିିଛି । ଏକ ଘରୋଇ ନର୍ସିଂ ହୋମ୍ କୋଭିଡ୍-୧୯ର ନିୟମକୁ ଖୋଲାଖୋଲି ଉଲ୍ଲଂଘନ କରିଥିବା ଅଭିଯୋଗ ହୋଇଛି । ଯେଉଁଥି ପାଇଁ ଘରୋଇ ନର୍ସିଂ ହୋମକୁ ସିଲ କରିଛି ବଲାଙ୍ଗୀର ଟାଉନ୍ ଥାନା ପୋଲିସ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଶ୍ୱସ୍ତ ସୂତ୍ରରୁ ସୂଚତନା ମିଳିଛି ଯେ, ବଲାଙ୍ଗୀରର ଘରୋଇ ନର୍ସିଂ ହୋମ୍ ହରିହର ହସ୍ପିଟାଲ ସରକାର ଜାରି କରିଥିବା କୋଭିଡ୍-୧୯ର ନିୟମାବଳୀର ଉଲ୍ଲଂଘନ କରିଛି । ଏପରିକି ସାମାଜିକ ଦୂରତା, ଏବଂ ସାନିଟାଇଜେସନ୍ କ୍ଷେତ୍ରରେ ମଧ୍ୟ ବ୍ୟତିକ୍ରମ କରିଥିବା ଅଭିଯୋଗ ହୋଇଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଏହି ନର୍ସିଂ ହୋମକୁ ସିଲ୍ କରିଛି ।