ଲକ୍ ଡାଉନ୍ ପରେ ଡହଳ ବିକଳ: ନିରାଶ୍ରୟ ଓ ଭୋକିଲାଙ୍କୁ ଦାନା ଯୋଗାଇବାକୁ ଆଗେଇ ଆସିଲେ ରିୟଲ ହିରୋ । ରାଜଧାନୀରେ ଗରିବ ଓ ଦିନ ମଜୁରିଆଙ୍କୁ ଖାଦ୍ୟ ଯୋଗାଇଲା ଅଭିକ୍ଷା ଟ୍ରଷ୍ଟ, ଧର୍ମଶାଳାରେ ଅନାହାରଙ୍କୁ ଖାଦ୍ୟ ଦେଲେ ସ୍ୱେଛାସେବୀ ।
କନକ ବ୍ୟୁରୋ: ୨୧ଦିନିଆ ତାଲାବନ୍ଦର ଆଜି ଚତୁର୍ଥ ଦିନ । କରୋନା ମୁକାବିଲା ପାଇଁ ସରକାରୀ କଟକଣା ଫଳରେ ଲୋକେ ଘରୁ ବାହାରି ପାରୁନାହାନ୍ତି । ଏପଟେ ନିରାଶ୍ରୟ ଓ ଗରିବ ଲୋକଙ୍କ ପାଇଁ ଜୀବନ ଜୀବିକା ନିର୍ବାହ କରିବା କଷ୍ଟକର ହୋଇପଡିଛି । ଆଉ ତାଲାବନ୍ଦର ଚାରିଦିନ ପରେ ଜରି ଗୋଟାଇ କିମ୍ବା ଭିକ ମାଗି ଚଳୁଥିବା ଲୋକେ ଖାଇବାକୁ ପାଉନାହାନ୍ତି । ହେଲେ ସେମାନଙ୍କ ଭୋକ ଦେଖି ନିଜକୁ ଅଟକାଇ ପାରିଲାନି ଅଭିକ୍ଷା ଟ୍ରଷ୍ଟ ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଭୁବନେଶ୍ୱରରେ ଦିନ ମଜୁରିଆ ଭାବେ କିମ୍ବା ଉଠା ଦୋକାନୀ ଭାବେ କାମ କରୁଥିବା ଲୋକଙ୍କ ରୋଜଗାର ବନ୍ଦ ହୋଇଯାଇଛି । ଆଉ ଜରି ଗୋଟାଇ କିମ୍ବା ଭିକ ମାଗି ଚଳୁଥିବା ଲୋକେ ଖାଇବାକୁ ପାଉନାହାନ୍ତି । ଚାରି ଦିନର ତାଲା ବନ୍ଦ ଯୋଗୁଁ ପେଟରେ ପଡିନି ଦାନା । ନିରାଶ୍ରୟ ଓ ଭୋକିଲାଙ୍କୁ ଦାନା ଯୋଗାଇବାକୁ ରିୟଲ ହିରୋ ଭଳି ଆଗେଇ ଆସି ରାଜଧାନୀରେ ଗରିବ ଓ ଦିନ ମଜୁରିଆଙ୍କୁ ଖାଦ୍ୟ ଯୋଗାଇଛି ଅଭିକ୍ଷା ଟ୍ରଷ୍ଟ ।
ସେପଟେ କରୋନା ଭଳି ଦୁଃସ୍ଥିତି ସମୟରେ ଭୋକିଲାଙ୍କ ମୁହଁରେ ଆହାର । କରୋନ ଭାଇରସ ପାଇଁ ସାରା ଦେଶ ଲକଡାଉନ ଘୋଷଣା ହୋଇଥିବା ବେଳେ ଯାଜପୁର ଜିଲ୍ଳା ଜାରକା ଅଂଚଳର ଯୁବ ସମାଜସେବୀ ନିଜ ସହଯୋଗୀମାନଙ୍କୁ ଧରି ଭୋକିଲାମାନଙ୍କ ମୁହଁରେ ଦେଇଛନ୍ତି ଆହାର । ଜାରକାର ଯୁବ ସମାଜସେବୀ ହିମାଂଶୁ ଶେଖର ସାହୁ ଧର୍ମଶାଳା ତହସିଲଦାର ସରୋଜ କୁମାର ପଣ୍ଡାଙ୍କୁ ଧରି ଧର୍ମଶାଳା ବ୍ଲକର ଆରୁହା ଅଂଚଳରେ ଥିବା ଦିବ୍ୟାଙ୍ଗ ଓ ଭୋକିଲାମାନଙ୍କୁ ରନ୍ଧା ଖାଦ୍ୟ ପରିଷିଛନ୍ତି ।ହିମାଂଶୁଙ୍କର ଏପରି ପଦକ୍ଷେପକୁ ସାଧାରଣରେ ପ୍ରସଂଶା କରାଯାଇଛି ।ଧର୍ମଶାଳାରେ ଅନାହାରଙ୍କୁ ଖାଦ୍ୟ ଦେଲେ ସ୍ୱେଛାସେବୀ ।