ସତର୍କ କଲେ ସୁବ୍ରତ: ଆସନ୍ତା ୨ ସପ୍ତାହ ସମସ୍ତଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ । ସମସ୍ତେ ଜଗିରଖି ଚଳନ୍ତୁ, ୧୫ ଦିନ ଘରେ ରହି କରୋନାକୁ ହରାନ୍ତୁ…
କନକ ବ୍ୟୁରୋ: କରୋନା ନେଇ ଗୁରୁତ୍ୱପୂର୍ଣ୍ଣ ସୂଚନା ଦେଲେ ସରକାର । ରାଜ୍ୟବାସୀଙ୍କୁ ସଜାଗ କଲେ ସୁବ୍ରତ ବାଗଚୀ । ଆସନ୍ତା ୨ ସପ୍ତାହ ଅଧିକ ଗୁରୁତ୍ୱପୂର୍ଣ୍ଣ । ସମସ୍ତଙ୍କ ପାଇଁ ଆଗାମୀ ୨ ସପ୍ତାହ ଜଗିଛକି ଚଳିବାକୁ ପଡିବ । ତେଣୁ ଆସନ୍ତା ୧୫ ଦିନ ସମସ୍ତେ କରୋନା ଠାରୁ ମହଲତ ନେଇ ଆସନ୍ତୁ ବୋଲି ବାଗଚୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦେଶରେ ଧିରେ ଧିରେ କରୋନା ଆକ୍ରାନ୍ତଙ୍କ ସଂଖ୍ୟା ବଢି ବଢି ଯାଉଛି । ଆଜି ଦେଶରେ ସଂକ୍ରମିତଙ୍କ ସଂଖ୍ୟା ୧୫୯୦ ଥିବା ବେଳେ ଗତକାଲି ଆକ୍ରାନ୍ତଙ୍କ ସଂଖ୍ୟା ଥିଲା ୧୨୫୨ । ତେଣୁ ଗତ ୨୪ ଘଣ୍ଟା ମଧ୍ୟରେ ଭାରତରେ ୩୯୦ ଜଣ ସଂକ୍ରମିତ ହେଲେଣି ।
#୧୫_ଦିନ_ଗୁରୁତ୍ୱପୂର୍ଣ୍ଣ
ଆସନ୍ତା ୨ ସପ୍ତାହ ସମସ୍ତଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ
ସମସ୍ତେ ଆଗାମୀ ୨ ସପ୍ତାହ ନିଜକୁ ଜଗି ଦିଅନ୍ତୁ- ସୁବ୍ରତ
#OdishaFightsCoronaVirus #OdishaUnderLockDown @skilledinodisha @IPR_Odisha pic.twitter.com/WR69gAdAs6— Kanak News (@kanak_news) April 1, 2020
ସଂକ୍ରମଣ ରୋକିବାକୁ ରାଜ୍ୟ ସରକାରଙ୍କ ଠାରୁ ନେଇ କେନ୍ଦ୍ର ସରକାରଙ୍କ ଯାଏଁ ସାରା ଭାରତକୁ ଲକଡାଉନ ଘୋଷଣା କରାଯାଇଛି । କରୋନା ମୁକାବିଲା ପାଇଁ ୨୧ ଦିନିଆ ତାଲା ହୋଇଛି । ତେବେ ଘରୁ ବାହାରିଲେ କିମ୍ବା ଅନ୍ୟ ମାନଙ୍କ ସହ ମିଶିଲେ ଭୂତାଣୁ ସଂକ୍ରମଣ ହେଉଥିବାରୁ ଏହାକୁ ରୋକିବାକୁ ଏଭଳି ପଦକ୍ଷେପ ନିଆଯାଇଛି । ତେଣୁ ସମସ୍ତଙ୍କୁ ଘରେ ରହିବାକୁ ଆଉ ସୁରକ୍ଷିତ ରହିବାକୁ ସରକାର ବାରମ୍ବାର ପରାମର୍ଶ ଦେଉଛନ୍ତି । ବାହାରକୁ ନବାହାରିଲେ କରୋନା ଆମ ଘର ଭିତରକୁ ଯାଇପାରିବନି । ତେଣୁ ସମସ୍ତେ ଆଗାମୀ ୨ ସପ୍ତାହ ସତର୍କ ରହିବାକୁ ସୁବ୍ରତ ପରାମର୍ଶ ଦେଇଛନ୍ତି ।