ଯୁବ ଡାକ୍ତରଙ୍କ ଜୀବନ ନେଲା କରୋନା । ଦୁଇଟି ଡୋଜ୍ ନେବା ପରେ ବି ହୋଇଥିଲେ ସଂକ୍ରମିତ, ଟିକା ନେବା ପରେ କରୋନାରେ ମୃତ୍ୟୁ ହୋଇଥିବା ନେଇ ଅଭିଯୋଗ ।
କନକ ବ୍ୟୁରୋ : ରାଜଧାନୀରେ କରୋନା ନେଲା ଡାକ୍ତରଙ୍କ ଜୀବନ । ରାଜଧାନୀର ଏକ ଘରୋଇ ଡାକ୍ତରଖାନାର ଜଣେ ଡାକ୍ତରଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଥିବା ସୂଚନା ମିଳିଛି । ମୃତ ଡାକ୍ତରଙ୍କ ନାମ ହୃଦାନନ୍ଦ ଭୂୟାଁ । କିଛି ଦିନ ଆଗରୁ ସେ କରୋନାର ଦୁଇଟି ଡୋଜ୍ ମଧ୍ୟ ନେଇଥିଲେ । ଏହା ପରେ ତାଙ୍କର କରୋନା ସଂକ୍ରମଣରେ ମୃତ୍ୟୁ ହେବା ପ୍ରଶ୍ନବାଚୀ ସୃଷ୍ଟି କରିଛି । କିଛି ଦିନ ଆଗରୁ ଡାକ୍ତର ଭୂୟାଁ କରୋନା ପଜିଟିଭ୍ ଚିହ୍ନଟ ହୋଇଥିଲେ । ତାଙ୍କର ସିକଲସିଲ୍ ରୋଗ ମଧ୍ୟ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଶତାଧିକ ଡାକ୍ତର କରୋନା ଆକ୍ରାନ୍ତ ଥିବା ନେଇ ସୂଚନା ଆସୁଥିବା ବେଳେ, ରାଜ୍ୟରେ କରୋନା ସଂକ୍ରମଣରେ ଜଣେ ଯୁବ ଡାକ୍ତର ଜୀବନ ହରାଇଛନ୍ତି । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ କୌଣସି ସୂଚନା ଦିଆଯାଇନାହିଁ । ମୃତ ଡାକ୍ତର ହୃଦାନନ୍ଦ ଭୂୟାଁ ଏମକେସିଜିରେ ଏମବିବିଏସ୍ ଏବଂ ଏସସିବିରେ ପିଜି କରିଥିଲେ ।