କନକ ବ୍ୟୁରୋ : ନିୟମ ନମାନିଲେ ଆହୁରି କଠୋର ନିଷ୍ପତ୍ତି ଗ୍ରହଣ କରିପାରନ୍ତି ସରକାର ବୋଲି କହିଲେ ମୁଖ୍ୟଶାସନ ସଚିବ । ଏହାସହ ସେ କହିଛନ୍ତି ଯେ, ଆଜି ରାତି ୮ଟାରେ ଭୁବନେଶ୍ୱର ସମେତ ଭଦ୍ରକ ଓ କଟକରୁ ଉଠିବ ଲକ ଡାଉନ । ଏନେଇ ସୂଚନା ଦେଇଛନ୍ତି ମୁଖ୍ୟ ଶସନ ସଚିବ ଅସିତ ତ୍ରିପାଠୀ । ତେବେ ଗତ କିଛି ଦିନ ହେବ ସାରା ରାଜ୍ୟରେ ଲକ ଡାଉନ ରହିଛି । ଏହି ନିୟମକୁ ଲୋକମାନେ ସଠିକ ଭାବରେ ପାଳନ କରୁଥିବା ଦେଖାଯାଉଛି । ତେବେ ଅନେକ ସ୍ଥାନରେ ନିୟମକୁ ମାନୁନାହାନ୍ତି ଲୋକ ।
Kanak News is now on WhatsApp
Join and get latest news updates delivered to you via WhatsApp
ଆମେ ମାନେ ନିଜେ ସାବଧାନ ନହେଲେ ପରିବା ଆଣୁ ଆଣୁ ଘରକୁ କରୋନା ଆଣିବା ବୋଲି କହିଲେ ମୁଖ୍ୟ ଶାସନ ସଚିବ । ତେବେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ଯେପରି ଭାବରେ ବଢିଚାଲିଛି ତାହାକୁ ରୋକିବାକୁ ହେଲେ ଲକ ଡାଉନ ନିହାତି ଦରକାର ଏବଂ ସରକାରଙ୍କ ନିୟମକୁ ଆମ୍ଭେମାନେ ମାନିବା ଦରକାର ବୋଲି ପ୍ରେସମିଟରେ ସୂଚନା ଦେଇଛନ୍ତି ମୁଖ୍ୟଶାସନ ସଚିବ ।