ସଫଳ ହେବ ତ ସରକାରଙ୍କ ଯୋଜନା ? ନିଷ୍ପତିରେ ରହିଯିବନି ତ କ୍ୟାବିନେଟ୍ ଅନୁମୋଦନ ?
କନକ ବ୍ୟୁରୋ : ଚୌଦ୍ୱାରରେ ବୟନ ଓ ସମ୍ବଲପୁରରେ ପ୍ଲାଷ୍ଟିକ ଶିଳ୍ପ ପ୍ରତିଷ୍ଠା ପ୍ରସ୍ତାବକୁ କ୍ୟାବିନେଟ୍ ଅନୁମୋଦନ ଦେବା ନେଇ ମୁଖ୍ୟ ଶାସନ ସଚିବଙ୍କ ସୂଚନା ସାରା ରାଜ୍ୟ ପାଇଁ ନୂଆ ସମ୍ଭାବନା ସୃଷ୍ଟି କରିଛି । ଏହି ଶିଳ୍ପ ପ୍ରତିଷ୍ଠା ହେଲେ, କଟକ, ସମ୍ବଲପୁର ସମେତ, ରାଜ୍ୟର ଅର୍ଥନୈତିକ ବିକାଶରେ ସହାୟକ ହେବ ବୋଲି କୁହାଯାଉଛି । ସେହିପରି ଏହି ଦୁଇ ଶିଳ୍ପ ପ୍ରତିଷ୍ଠା ହଜାର ହଜାର ନିଯୁକ୍ତି ସୁଯୋଗ ଆଣିବ ବୋଲି କୁହାଯାଉଥିବାରୁ ବେଶ୍ ଉତ୍ସାହିତ ସ୍ଥାନୀୟ ଲୋକ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟକୁ ପୂର୍ବ ଭାରତର ଇଣ୍ଡଷ୍ଟ୍ରିଆଲ ହବ୍ କରିବା ପାଇଁ ରାଜ୍ୟ ସରକାର ପୂର୍ବରୁ ମଧ୍ୟ ଅନେକ ପଦକ୍ଷେପ ନେଇଛନ୍ତି । ଶିଳ୍ପ ଅନୁକୂଳ ନୀତି, ଭରପୁର କଂଚାମାଲ, ସିଙ୍ଗିଲ ୱିଣ୍ଡୋ ସିଷ୍ଟମ ଏବଂ ମେକ୍ ଇନ୍ ଓଡିଶା କାର୍ଯ୍ୟକ୍ରମ ଜରିଆରେ ପୁଞ୍ଜିନିବେଶକଙ୍କୁ ଆକୃଷ୍ଠ କରିବା ପାଇଁ ଉଦ୍ୟମ କରୁଛନ୍ତି । ତେବେ ଅନେକ ସମୟରେ ଶିଳ୍ପ ପ୍ରତିଷ୍ଠା ହୋଇପାରିନି । ତେଣୁ ଏବେ ଯେଉଁ ପ୍ରସ୍ତାବ ଉପରେ ରାଜ୍ୟ କ୍ୟାବିନେଟ୍ ମୋହର ମାରିଛି, ତାକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଇଛି । ଆଉ ଆରମ୍ଭ ହୋଇଛି ରାଜନୈତିକ ବୟାନବାଜି ।
ରାଜ୍ୟ ସରକାରଙ୍କ ସୂଚନା ଅନୁସାରେ, ଚୌଦ୍ୱାରରେ ୩ହଜାର କୋଟି ଟଙ୍କା ନିବେଶରେ ଏକ ସମନ୍ୱତ ବୟନ ଶିଳ୍ପର ପ୍ରତିଷ୍ଠା ହେବ । ଏଥିରେ ପ୍ରତ୍ୟକ୍ଷ ଭାବରେ ୧୦ହଜାର ଓ ପରେକ୍ଷ ଭାବରେ ଅନୁରୂପ ନିଯୁକ୍ତି ସୁଯୋଗ ସୃଷ୍ଟି ହେବ । ସେହିପରି ସମ୍ବଲପୁର ନୀଳଡୁଙ୍ଗୁରୀରେ ୩ହଜାର ୬ଶହ କୋଟି ଟଙ୍କାରେ ପ୍ରତିଷ୍ଠା ହେବ ପ୍ଲାଷ୍ଟିକ୍ କାରଖାନା ।