ଆଜି ଆସିିବ ଓଡ଼ିଶା ବଜେଟ୍ : ବାର୍ଷିକ ବ୍ୟୟ ଅଟକଳ ଛୁଇଁପାରେ ଏକ ଲକ୍ଷ ୭୦ ହଜାର କୋଟି ; ସ୍ୱାସ୍ଥ୍ୟ ବିଭାଗକୁ ମିଳିପାରେ ଅଧିକ ଅର୍ଥ

କନକ ବ୍ୟୁରୋ : ଆଜି ବିଧାନସଭାରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ୨୦୨୧-୨୨ ଆର୍ଥିକ ବର୍ଷ ଲାଗି ବଜେଟ୍ ଉପସ୍ଥାପନ କରିବେ। ତେବେ ନିର୍ଦିଷ୍ଟ କେଉଁ ସମୟରେ ବଜେଟ୍ ଉପସ୍ଥାପନ ହେବ, ତାହା ଜଣାପଡିନାହିଁ। ଆସନ୍ତାକାଲି ଧାନ କିଣା ପ୍ରସଙ୍ଗରେ ୨ ଘଣ୍ଟିଆ ଆଲୋଚନା ପରେ ଅପରାହ୍ନ ଅଧିବେଶନରେ ବଜେଟ୍ ଉପସ୍ଥାପନ ହୋଇପାରେ ବୋଲି କୁହାଯାଉଛି । ଅନ୍ୟପକ୍ଷରେ ଶନିବାର ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ ହୋଇସାରିଛି ।

୯ ତାରିଖରେ ମନ୍ତ୍ରୀ ପରିଷଦ ବୈଠକରେ ଚିଠା ବଜେଟ୍‌କୁ ଅନୁମୋଦନ ମିଳିଥିଲା। ଅସମର୍ଥିତ ସୂତ୍ରରୁ ଯାହା ସୂଚନା ମିଳୁଛି, ବଜେଟ୍ ଆକାର ୧ଲକ୍ଷ ୭୦ ହଜାର କୋଟି ଟଙ୍କା ଟପିଯାଇପାରେ। ଅର୍ଥାତ୍ ପୂର୍ବ ବର୍ଷ ତୁଳନାରେ ୧୩ ପ୍ରତିଶତରୁ ଅଧିକ ଟଙ୍କା ଖର୍ଚ୍ଚ କରିବା ଲାଗି ଏକ ବଡ଼ ଟାର୍ଗେଟ ନେଇପାରନ୍ତି ।