କନକ ବ୍ୟୁରୋ : ତେଲଦର ବୃଦ୍ଧି ପ୍ରତିବାଦରେ ଆଜି କଂଗ୍ରେସ ଦଳ ଦକ୍ଷରୁ ୬ଘଂଟିଆ ବନ୍ଦ ପାଳନ କରାଯାଇଛି । ଏସବୁ ଭିତରେ ଭୁବନେଶ୍ୱର ଜୟଦେବ ବିହାର ଛକରେ ଦେଖିବାକୁ ମିଳିଥିବା ଏକ ଅଭାବନୀୟ ଚିତ୍ର । କାମ ଅପେକ୍ଷାରେ ରହିଥିବା ଦିନ ମଜୁରିଆଙ୍କ ଗୋଟିଏ ଓଳିର କାମ ପ୍ରଭାବିତ ହୋଇଛି । କାମ କଲେ ଯାହାର ପେଟକୁ ଦାନା ଖଣ୍ଡେ ମିଳିବ ସେ ଆଜି ଖାଲି ହାତରେ ଘରକୁ ଫେରିଛି । ଓଡିଶା ବନ୍ଦ କାରଣରୁ କାମ ବନ୍ଦ ରହିଛି । କାମ ଅପେକ୍ଷାରେ ରାସ୍ତାକଡ଼ରେ ଚାହିଁ ରହିଥିବା ଶ୍ରମିକମାନଙ୍କୁ ବନ୍ଦ ପ୍ରତିବାଦ ଯୋଗୁଁ ନିରାଶ ହେବାକୁ ପଡ଼ିଥିଲା ।

Advertisment

ସେପଟେ ଅଟୋ, ବସ ଭଳି ସେବା ପ୍ରଭାବିତ ହେବା ଯୋଗୁଁ ଯାତ୍ରୀମାନେ ଅଟକି ରହିଛନ୍ତି ବସଷ୍ଟାଣ୍ଡରେ । ସେହିପରି ବିଭିନ୍ନ ପରୀକ୍ଷା ଥିବା କାରଣରୁ ବାହାରୁ ଆସୁଥିବା ପରୀକ୍ଷାର୍ଥୀମାନେ ବିଭିନ୍ନ ସ୍ଥାନରେ ଅଟକି ରହିଥିବା ଦେଖିବାକୁ ମିଳିଛି ।