ସଂସଦ ଢାଂଚାରେ ବସିବ ଓଡିଶା ବିଧାନସଭା । ଦର୍ଶକ ଗ୍ୟାଲେରୀରେ ବସିବେ ବିଧାୟକ, ଭିଡିଓ କନଫରେନ୍ସିରେ ମଧ୍ୟ ଗୃହ କାର୍ଯ୍ୟରେ ସାମିଲ ହୋଇପାରିବେ ବିଧାୟକ, ଦିନକୁ ସାଢେ ୪ ଘଂଟା ଚାଲିବ ଅଧିବେଶନ ।
କନକ ବ୍ୟୁରୋ: ଯେମିତି ସ୍ଥିତି ସେମିତି ବ୍ୟବସ୍ଥା । ପରିସ୍ଥିତି ସହ ଖାପଖୁଆଇଲା ଭଳି, କରୋନା କାଳରେ ଭିନ୍ନ ଢ଼ଙ୍ଗରେ ବସିବାକୁ ଯାଉଛି ବିଧାନସଭା ଅଧିବେଶନ । ମହାମାରୀ ସମୟରେ କେମିତି ଚାଲିବ ଗୃହକାର୍ଯ୍ୟ, କ’ଣ ରହିବ ରୁପରେଖ ଏହାକୁ ନେଇ ଅନେକ ଦ୍ୱନ୍ଦ ଲାଗି ରହିଥିଲା । କିନ୍ତୁ ସର୍ବଦଳୀୟ ବୈଠକରେ ବିଧାନସଭା ଅଧିବେଶନ ନେଇ ଚୂଡାନ୍ତ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏମିତି ବସିବ ବିଧାନସଭା
-ଦୈନିକ ସାଢ଼େ ୪ ଘଂଟା ଚାଲିବ ବିଧାନସଭା ଗୃହକାର୍ଯ୍ୟ
-ପ୍ରଥମ ଦିନ ବ୍ୟତୀତ ଅନ୍ୟ ଦିନରେ ସାଢ଼େ ୧୦ଟାରୁ ଗୋଟିଏ ଯାଏଁ ପ୍ରଥମାର୍ଦ୍ଧ, ୩ଟାରୁ ୫ଟା ଯାଏଁ ଦ୍ୱିତୀୟାର୍ଦ୍ଧରେ ଗୃହ ଚାଲିବ
– ପ୍ରଶ୍ନକାଳକୁ ବାତିଲ କରାଯିବ, ଶୂନ୍ୟକାଳ ଓ ମୁଲତବି ପ୍ରସ୍ତାବ ଉପରେ ଆଲୋଚନା ହେବ
-ବିଧାୟକଙ୍କ ବସିବା ପାଇଁ ସ୍ୱତନ୍ତ୍ର ବ୍ୟବସ୍ଥା ହୋଇଛି
-କୋଭିଡ୍ ସତର୍କତା ଯୋଗୁଁ ସିଟ୍ ଆଗରେ କାଚ ଲାଗିବ
-ପ୍ରଥମ ଥର ପାଇଁ କିଛି ବିଧାୟକ ଦର୍ଶକ ଗ୍ୟାଲେରୀରେ ବସିବେ
-ବିଧାୟକ ଓ ତାଙ୍କ ଡ୍ରାଇଭର ଓ ପିଏସ୍ଓଙ୍କ କରୋନା ଟେଷ୍ଟ ହେବ
-୬୦ ବର୍ଷରୁ ଅଧିକ ବୟସ୍କ ବିଧାୟକ ଭିଡିଓ କନଫରେନ୍ସିରେ ରହିପାରିବେ
ପ୍ରଶ୍ନକାଳ ବ୍ୟତିତ ଅନ୍ୟ ସବୁ ନିଷ୍ପତିକୁ ସର୍ବଦଳୀୟ ବୈଠକରେ ଗ୍ରହଣ କରିଛନ୍ତି ବିରୋଧୀ । କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି-ପ୍ରଶ୍ନକାଳ ବାତିଲ କରିବା ବେଆଇନ ଓ ଅସାମ୍ବିଧାନିକ । ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି-ବିଧାୟକ ଚାହିଁଲେ ପ୍ରଶ୍ନ କରିପାରିବେ ଏବଂ ମନ୍ତ୍ରୀ ଉତର ରଖିପାରିବେ ।
ଆସନ୍ତା ୨୯ ତାରିଖରୁ ଆରମ୍ଭ ହୋଇ ଅକ୍ଟୋବର ୭ ତାରିଖ ଯାଏ ଚାଲିବ ଅଧିବେଶନ । ଏଥର ମୋଟ ୮ଟି କାର୍ଯ୍ୟ ଦିବସ ରହିଛି । ଗତ ୬ ମାସ ଭିତରେ ସରକାର ଆଣିଥିବା ୧୨ଟି ଅଧ୍ୟାଦେଶକୁ ବିଲ ଆକାରରେ ବିଧାନସଭାରେ ଉପସ୍ଥାପନ କରିବେ ।